شهادت پیامبر اسلام
گریز به شهادت امام حسین (ع)
.
بخش اول #پیامبراسلام_شهادت
#ایلیوب_رحلت_جهاندان_رحمتا_للعالمین
.
بخش دوم #حسینیه_شهادت
#بو_قضيه_یادیمه_سالدی_گنه_بیر_ماجرا
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
بو قضيه یادیمه سالدی گنه بیر ماجرا
جلوه لندی لوح دلده حال شاه کربلا
اوندا کیم یخمشدیلار آتدان یره اهل جفا
قتلگاه عشقده قالمشدی بی یار و معین
.
.
آفتاب عمرینه گوردی یتوب وقت زوال
ماسوادن اهل بیتندن کسوب فکر و خیال
قوردی معبودیله شاه کربلا بیر بزم حال
قتلگاهين قانلو توپراقين يغوب قویدی جبين
.
.
عرض ائدوب محبوب من، من عهدیمه ائتدیم وفا
سلم محض اولدوم سنون هر امریوه وئردیم رضا
بو اوزوم، او اهل بیتمدور گرفتار بلا
اوف ديمم هرگز اگر یوز وئرسه یوز بیله انين
.
.
باش بارا، آنیم یارا، لبلرلارا، حنجر یارا
سینۀ زاریم یارا، قلبیم یارا، اللر یارا
قالميوب سینمده بیر صاف یر، بدن یکسر یارا
دوغریوب قلعه به قطعه جسممی اشرار دین
.
.
بير قالان ناقص اوز عهدیمدن بو باشمدور منیم
باشمون قانیله خوشدور اولسا الوان دامنیم
راضیم عطشان وئرم جان، کامه یتسون دشمنیم
بولمورم هاردا قالوب گلمور ندن شمر لعین
.
.
گلدی سس درگاه حقدن ای حبیبی یا حسین
عالم لاهوته بو حالونله سالما شوروشين
باشوی تئر وئرگیلن اول سرفراز نشأتين
قوی مکان لامکان اوسته اولا دشمن مکین
.
.
خيمه لرده سانما فریاده گلوب آل رسول
زینب و کلثوم و لبلایه باخوب اولما ملول
ايلرم هر خواهشون اولسا شفاعتدن قبول
روز محشر یا حسین سن سن شفیع المذنبين
.
.
بی بها بولدی اگرچه قانوی اهل جفا
چکمه غم بو قانه ذات بی مثالمدور بها
واردی ایله بیر مقامون ای ذبيحا من قفاً
آرزو ایلر جزاده انبيا و مرسلین
.
.
اوندا کیم توپرانلار اوسته سرور ملک حجاز
اؤز حبیبیله ائدردی خلوتی راز و نیاز
شمر دون قويموب دویونجا ائيلسون ابراز راز
نيت فاسدله قصد ائتدی او شاهین مقتلين
.
.
گوردی قان ایچره دوشوبدور شهریار ممتحن
سجده ده باشی یوز اوسته نه گلن وار نه گئدن
نیلدی بولمم ازلده ای خدای ذوالمنن
آرخاسی اوسته دوشوب اول حجت روی زمین
.
.
گوزلرین آچدی گوروب شمرین غضبلی حالنی
ایستدی بير نوعی پوزسون نقشۀ آمالنی
رحمه باخ اولده لطفیله سوروشدی حالنی
نادم اولسون بلکه فعلندن او محض شرّ و کین
.
.
:::: آمدن حضرت زینب (ع) به قتلگاه
.
.
ال گوتورمور کینه سیندن گوردی اول بیشرم رو
سویلدی یاندیم سوسوزدان باری وئر بر شربه سو
بولمورم آخر هارا منجرّ اولوب بو گفتگو
کسدی آخر اوز کلامین هادی دین مبین
.
.
باخمادی شاه شهیدانون لب عطشانه
دمبدم صيقل وئروردی خنجر برانینه
خيمه لردن چخدی زینب گلدی قارداش یاننه
رعشیه دوشموشدی اما استخوان و هم رگین
.
.
گوردی ایستی قوملار اوسته شمر يخمیش قارداشین
خنجر برّان الینده ایستوری کسسین باشین
ساچلارین یولدی توکوب رخساره قانلو گوز یاشین
اوزلوقوندان ایله چخدی زینب عصمت مکین
.
.
قاچدی حوليله دوتوب شمر ستمگر خنجرین
بير اليله باشدا محکم ساخلاموشدی معجرین
ظلمله ایله کسوب آخرده خنجر اللرین
سرنگون اولدی یر اوسته دخت مير متقین
.
.
آچدی قانلو گوزلرین ناگه او یالقوز پادشاه
شمر الینده زینبی گوردی قالوب بیدادخواه
سویلدی دورما باجی جان ایله عزم خیمه گاه
ایلدی امر امامه امتثال اول دل حزین
.
.
باخمادی چخمش امامون یاره سی اندازه دن
صفحۀ قرآن کیمی جسمی اولوب شیرازه دن
قتلنه اقدام ائدوب اول بی مروت تازه دن
آغلادی یر گوی تزلزل ایلدی عرش برین
.
.
هر قدر شمر ستمگر زور وئردی خنجره
ائتمدی اصلا اثر خنجر او تشنه حنجره
قاتلين مقتول ائدوب ارشاد جای دیگره
ظلمه باخ حال امامه قیل نظر ای نکته بین
.
.
سن اوزون آگاهسن ای رب کلّ کائنات
باغریمی قان ایلیوب بو زنده گانلوق بو حيات
یا ئولوم وئر عاصی بیچاریه یا بیر نجات
یاغیاث المستغيثين یا انیس المستکين
.
.
#حسینیه_عاصی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید