آمدن حضرت امام حسین(ع) سر بالین حضرت ابوالفضل (ع)
.
✍️زبدة الاشعار✍️
?: @nohe_torki
.
مرحوم حاج عبداله رضایی (غمکش)
.
بیر لحظه حسینون یارالی قلبی دایاندی
سرلشگرینی گوردی گوزل پیکری قاندی
آلدی باشین آغوشه اونون حالینه یاندی
سسلندی اَخا آچ گوزووی یاتما ابوالفضل
گوزدن یانان اهل حرمی آتما ابوالفضل
.
یاندیرما یانان قلبیمی ای پشت و پناهیم
سرلشگر و سردار و علمدار سپاهیم
قدّیم بوکولوب هر طرفه باغیلدی راهیم
سینم آلیشور آتش هجرانووه قارداش
باخدوقجا سنون پیکر القانووه قارداش
.
بیردن نه گوروب ساقی لب تشنه او ساعت
جلوه ایلیوب نهریده اول شمس امامت
بیر آه چکوب گوز دولوسی آغلادی راحت
بیر لحظه چوخ آهسته دئدی گلدون امیریم
ال چک باشیما اولمویا عالمده نظیریم
.
صحبت لریمین وار اثری قلبووه آلما
آتدّان یخیلان ساعتمی یادووه سالما
من نوکرووم دور گیت اَخا فکریمه قالما
توپراقلارون اوسته ایلدیم سجده خدایه
قربانون اولوم گلمه اَخا ایندی نوایه
.
صیّاد اجل صبرووه قربان اولا قارداش
سالدی نئجه آتدان منی بو قوم اورک داش
سیندی بئلیم آرامیم آلوب غصّه لی گوز یاش
اصغر هایینا وئرمدیم های یاندیم آلیشدیم
اوخ مشکیمه دگدی فقط اول لحظه چالیشدیم
.
مولا او یانان دیللریله ایلدی فریاد
سندن صورا یوخ کیمسه ائده قارداشون امداد
مقتلده کسلّر باشیمی لشگر بیداد
قانه قاریشان گوز یاشیم اولسون سنه قربان
اهل حرمیم قارداشیم اولسون سنه قربان
.
یوخدور گر الون قانی ائده پاک گوزوندن
یانّام سنون احوالووه چوخ چوخ من ئوزوندن
سیلّم قانی الآن ئوپرم قانلی یوزوندن
ای عترت طاهایه نگهبان سنه قربان
زنده قالاجاق دهریده قرآن سنه قربان
.
غمدن قوجالان قارداشووی فکریدن آتما
خون دلیمی اشک تر ماتمه قاتما
دور تکیه ایله چگنیمه قارداش بئله یاتما
گوز یاشیله زینب سو سَپر یولاّرا قارداش
قرباندی رقیّم کسیلن قولاّرا قارداش
.
گلشن پوزولوب گل سارالوب سولدی گلستان
باخدوقجا گلستان و گله باغریم اولور قان
«غمکش» یئری واردی اولا بو دهریده گریان
گه وای دیوری اکبره گاهی سنه قارداش
اشعارینی یازدوقجا او آغلور سنه قارداش
.
امداد ایله محشرده اخا اهل عزانی
عاشقلریمون باشدا جوشار غیرتی قانی
کیم یاده سالا دهریده چوخ آل عبانی
محشرده اونا سن أوزون امداد ایله قارداش
طوفاندان عزاداریمی چک ساحله قارداش
.
#عباسیه_شهادت
#بیر_لحظه_حسینون_یارالی_قلبی_دایاندی
#غمکش
#یادگار_غمکش
#ترکی
.
✍️ #زبدةالاشعار ✍️
?: @nohe_torki
نظر دهید