فرمایش اباعبدالله(ع):حرم من از زائر من است(۱)
#گریز به #دیر_راهب
.
✍️ زبدة الاشعار ✍️
.
?: @nohe_torki
.
حاج رحمان شاجری زنجانی
.
بو نوع نقل ائلیوب بیر فقیه ربّانی
که یعنی حجة الاسلام صدر روحانی
.
گوگُل اراده ائدوبدور یازام همین خبری
نتیجه آلمالی سوزدی یقین اولار اثری
.
دییر روایت ائدوب خادم امام حسین
عزیز فاطمه نون رأفت و کراماتین
.
بو نیّتیله ائویمدن چیخوب کنار اولدوم
حرم نظافتینه اوندا رهسپار اولدوم
.
حرمه وارد اولان وقتیده من آهسته
ساتاشدی گوزلریمه بیر عرب ئوزی خسته
.
ضریحه تکیه وئروبدی الینده واردی رُطب
یِدوقجا هسته لرین پَرت ائدور ضریحه عرب
.
گوروبدی خادم او شخصی گلوب جَسورانه
رعایت ادب ائتمور حریم جانانه
.
بیان ائدوب عربه بو نه ایشدی سن گوروسن
بو گوردوقون عملونده اهانت ایلیوسن
.
گلوب جسارته خادم وروبدی بیر سیلی
عربین عارضی اُول سیلیدن اولوب نیلی
.
یاپوشدی خادم اونی صحنیدن کنار ائلیوب
او دلشکسته نی مأیوس و دلفکار ائلیوب
.
غضبله باخدی او زوّاری ایلدی مضطر
دئدی بو قبری ملائک زیارت ایللّر
.
گوزل مکاندی بو یر هتک حرمت ایلموسن
عرب کناره گئدوب عرض ائدوب حسین گوروسن
.
باخاندا منفعل اشگین توکوبدی رخساره
کنار اولوب گوزی یاشلی باخوبدی درباره
.
دئدی قوناقه حسین جان محبتون چوخیدی
بو خادمین سؤزی اما ئورکده بیر اوخیدی
.
غرض گئدوبدی عرب ترک قیلدی بارگهی
شکسته قلبیله اشگین یوزه اَلوردی گهی
.
گونوز گئچوب گجه خادم گلوبدی منزلینه
زمان خوابه کیمی یاندی قلبی نسگلینه
.
یاتوب حسینی گوروبدی مقام رؤیاده
سلام ائدوبدی جواب اولمادی او اَثناده
.
گوروبدی سرور دوران هئچ اعتنا ائتمور
سلام ائدوبدی دوباره که بلکه سس یتمور
.
گئدوب برابر مولاده دوردی ائتدی سلام
دولاندیروب یوزونی باخمیوبدی لکن امام
.
دئدی غلاموی قؤما قاپوندان ای سلطان
نولوب مگر یوزوی بو حقیریدن دوتوسان
.
جواب وئرمدی اول خادمه شه خوبان
اونی بو نوعیله تنبیه ائدوب امام زمان
.
بویوردی بو سوزی خُدّامه شاه تشنه جگر
اهانت ایلموسن زائره آز ایشدی مگر
.
شَه زمن بو دلیلی گتوردی ئوز سوزونه
اوکس که سیلی ویرا خسته زائرین یوزونه
.
دگر او سیلی منه کیم ویراندا زوّاره
او سیلینین اثری نقش اولور بو رخساره
.
ائشیتدی بو سؤزی خادم او لحظه جانه دویوب
دؤشَندی مقدم مولاده یوز ترابه قویوب
.
دئدی باغیشلا منی بیلمدیم رضای خدا
خطا گر ائتسه غلامان عطا ائدر مولا
.
دیوب بویور نجه جبران ائدوم خطاکارم
گناهه مرتکب اولدوم یانوندا من خوارم
.
بویوردی شاه شهیدان گئت اوننان عذر ایسته
رضایت آل اورگی شاد اولا او دلخسته
.
عربین حجره سینی گوستروبدی خدّامه
سفارشین ائلدی اول غریب و ناکامه
.
بویوردی گلمسه عرض ائت آقان دیور گلسین
گلوب دئسون سوزونی قلب زاری دینجلسون
.
غرض گئدوبدی او خادم تاپوبدی زوّاری
گتوردی قلبین اَله شاد ائدوب دل افکاری
.
نه مهربانسان حسین رأفتون نشان وئردون
بو رأفتونله سینان قلبه تازه جان وئردون
.
دؤزنمیوبسن آقا محضرونده زوّاره
اهانت اولسون او کس که گلوبدی دیداره
.
نجه اهانت ائدوب بس سنه او شوم دغا
روا بیلوب باشیوی قویدی کوللر اوسته آقا
.
جفای خولی مُرتَد جهانه اود سالدی
یازاندا بو سوزی دلدن قراریمی آلدی
.
یاتاردی دائم او باش سینه ی پیمبرده
نجه یاتوب گوره سن یاره لی او بسترده
.
او باش که فاطمه بسلردی گللر اوستونده
وئروبدی یر او زنازاده کوللر اوستونده
.
آدی مسلمان اونون فطرتینده یوخدی شرف
وفای راهبی یازماقدادور بو یرده هدف
.
دوشوبدی قافله نین دیر راهبه گُذری
قطار غم یتیشوب دِیره وردی خیمه لری
.
وروبلا خیمه ی عشرت بیر عدّه کینه شعار
قالوبدی عترت حیدر بویاندا خُرد و کُبار
.
گئجه نی صبحه کیمی عیش و عشرت ایلدیلر
عیال فاطمه نی غرق محنت ایلدیلر
.
حسینی ئولدورن اشخاص اولوبلا باده گُسار
چالوبلا صبحه کیمی چنگ و عود و بَربَط و تار
.
بیر ال گوروبله او دم دست غیبیدن چیخدی
یازوبدی بو سؤزی دیواره ظلم ائوین یخدی
.
اَتَرجو کلمه سینی قانیلن یازوب بو رقم
شفاعت اولمیاجاق آخرتده قوم ظُلَم
.
ایاقه دوردولا اشرار پست و رذل و دنی
او قانلی کِلکه گوره چوخ گزوبدیلر علنی
.
موفق اولمادیلار دست غیبه ال تاپالار
مُصمّم اولدولا خوان جفا و جور آچالار
.
آچیلدی سفره دوزولدی بساط باده و مِی
غذا ییولدی اوجالدی دوباره ناله ی نی
.
دوباره گلدی او اَل عالمینه اود سالدی
گورَن او معجزی سردرگُم و وَلَه قالدی
.
یازوبلا بو خبرین صحّتین تواریخده
اوچومجی جِلدیده مکتوب اولوبدی ناسخده
.
پوزولدی بزم نشاط و داغیلدی باده سرا
یازولدی قانیله دیواره کِی گروه جفا
.
سیزه شفاعت ائدن یوخدی روز محشرده
باشوز اشاقه دوشر محضر پیمبرده
.
حسین قانین توکنی مبتلای نار اولاجاق
قیامتین گونی رسوا و شرمسار اولاجاق
.
بساط عیش دونوب بزم ناگوار اولدی
پیمبر عترتی بیر یاندا بی قرار اولدی
.
گئچوب گجه یاریدان رعد آسمان وردی
اویاندا راهب اودم خواب نازیدن دوردی
.
دوروب ایاقه او دم دور دِیره ائتدی نظر
یتوبدی سمعینه بیر ذکر خالق اکبر
.
گوروب تلألؤ ائدور صومعه کنارینده
ایشیقلی نوریدی آی تک گزور مَدارینده
.
او نورون عامِلی صندوق قفل اولونموشدی
او نوریلن شب ظلمانی نوره دولموشدی
.
اورک گوزیله باخاندا گویه او خوش سیرت
گوروب ملائک ائدور صف به صف یره هجرت
.
وئروبله سس سسه باهم مقرّبین خدا
سلام اولا سنه ای سبط حضرت طاها
.
بو وضع حالی گوروب دوشدی حیرته راهب
رموزی کشف ائده اولموشدی قلبیدن راغب
.
گلوب سوروشدی بو لشکرده کیمدی سرکرده
گئجه نی صبحه کیمی خاطریم گلوب درده
.
دئدیله خولیدی او لشکره سپهسالار
گلوب مقابل خولیده دوردی زار و نزار
.
سؤال ائدوبدی او صندوقیده نه وار آیا
بیان ائله نَدی سرّی منه ده روشن اولا
.
گلوب تکلّمه ناگه او پست و کینه سیَر
اونون ایچینده کی بیر رأس خارجیدی دیَر
.
بویوردی راهب اودم ذکر قیل حَسَب نَسَبین
دیوب محمّده نوباوه دور ئوز آدی حسین
.
علینون اوغلیدی زهرایه نور عینیدی بو
امیر شامه جسارت ائدن حسینیدی بو
.
دیوب بو باشی وئرون بیر گجه منه مهمان
وئروم هدیّه سینی هرنه ایسته سوز الان
.
یازولّا راهب شایسته نچّه مین درهم
وئروبدی خولیه صندوقی گتدی دِیره اودم
.
آچوب او قانلی باشی پاک ائدوب گلابیله
یووب بوغازینی حسرتله اشک نابیله
.
باسوبدی سینه سینه جان کیمی یارالی باشی
دیوب جبینیوه قربان ویروبدی کیم بو داشی
.
گوروم شل اولسون الی ایندیده آخور قانی
دانیش منیله آقا سن بیل اول آنان جانی
.
بویوردی راهبه من نور عین زهرایم
امام جنّ و بشر یادگار طاهایم
.
حقیقت اوسته کسیلمیش سوسوز بوغازی منم
خدا یانیندا اولان شأن و عزّ و نازی منم
.
ئوپوب بوغازینی توکدی عذارینه قان یاش
دئدی قبول ائدرم دینیوی کسیلمیش باش
.
مُشرّف اولدوم آقا دینیوه بو اثناده
شفاعتون اولا شامل بو زاره عقباده
.
آدون فداسی اولوم ای چراغ محفل راز
آقالیق ایله او غصه دن اورکلر باز
.
مُطوّل اولدی تمام ایله«شاجری»سوزیوی
جزا گونونده حسین قویماز آغلیا گوزیوی
ـــــــــــــــ
(۱)روایت نقل شده در جلد سوّم اَلوقایع و اَلحوادث ص ۳۱۷ به قلم دانشمند محترم حاج شیخ باقر ملبوبی می باشد.
.
#حسینیه_مدح
#کربلا
#بو_نوع_نقل_ائلیوب_بیر_فقیه_ربانی
#شاجری_زنجانی
#ترکی
.
✍️ #زبدةالاشعار✍️
.
?: @nohe_torki
نظر دهید