پریشان اولما صبر ایله بلایه محترم باجی #شب_عاشورا_کاتب_اردبیلی

زبانحال امام با خواهر در شب عاشورا
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
پریشان اولما صبر ایله بلایه محترم باجی
وئروبدور بو گئجه مهلت بیزه قوم ظلم باجی
بو قدری توکمه گوزیاشون
هله وار یدّی قارداشون
.
.
نقدری من ساغام ائتمه فغان ای زینب نالان
هله اولموب علی اکبر بو چولده قانینه غلطان
هله قاسم طویین یاسه مبدّل ائتمیوب عدوان
هله آچمیش باشیم اوسته اباالفضلیم علم باجی
.
.
دور اطفالیمی جمع ایله سن ای کان غم و محنت
صباح اولماز بیزه ممکن ائدک بیرده داخی صحبت
آچیلسا صبح وئرمزلر بو قوم دون بیزه مهلت
سنون درد غمون افزون ائدلّر دمبدم باجی
.
.
.
صباح بو لشکر کافر ائدلّر ظلمیده طغیان
علی اصغر بوغازینه جفائیله دگر پیکان
اولور کرب وبلا دشتی بسان لجّۀ عمان
نقدری آغاسون آغلا او وقته بیش و کم باجی
.
.
صباح بو پرخطر چولده سولار ظلمیله گلزاریم
کنار نهرده آتدان دوشر قولسوز علمداریم
نه قاسم نه علی اکبر قالور نه بیر هواداریم
تاپار شمر دنی فرصت ائدر بیحد ستم باجی
.
.
حسین قارداشوی صبّاح قویارلار قوم قارداشسیز
کومکلر دوغرانور قالّام بوچولده یار و یولداشسیز
یخارلار عرصه گاه ایچره منیم گل جسمیمی باشسیز
آلور اطرافون اُول وقته جنود همّ و غم باجی
.
.
.
.
#شب_عاشورا_کاتب_اردبیلی
#پریشان_اولما_صبر_ایله_بلایه_محترم_باجی
#ترکی
.
✍️ #زبدةالاشعار ✍️
.
🆔: @nohe_torki