شام غریبان
.
#زبدةالاشعار
.
: @nohe_torki
.
#سبک_ای_دل_اگر_عاشقی … #سبک_ای_شه_لب_تشنگان
مشابه
.
سید بشیر حسینی میانجی
.
بو گئجه یافاطمه! ناله و افغانه گل
ترک ائلیوب جنّتی، شام غریبانه گل
فاطمه یافاطمه
فاطمه یافاطمه
.
.
اوغلون حسین بو گئجه، خولیه مهمان اولوب
کول لرین اوسته قویوب، باشینی پنهان اولوب
مطبخه باخ گؤر نئجه، نور و چراغان اولوب
گؤرماقا جانانیوی منزل دونانه گل
.
.
ساخلا حسینه گهی، خولی ائوینده عزا
گاهی یانان خیمه ده، ائتگلین آه و نوا
گه، یولووی سالگیلان، قتلگهه برملا
بزم عزا قورماقا وادی اَحزانه گل
.
.
یئتمیش ایکی شمعِ عشق، سؤندی جهان تار اولوب
نصفی یانان خیمه ده، زینب عزادار اولوب
قاره سالوب باشینه، بی کس و بی یار اولوب
اُول قیزیوی گؤرماقا قانلی بیابانه گل
.
.
شیعه لرین غصّه دن، دیل لری شان شان اولوب
کرب وبلا جؤریله، یکسره ویران اولوب
زینبووین ال لری، دوغرانوب القان اولوب
قوی الیوی قوینُوا قلبی یانایانه گل
.
.
ارض و سمانی دوتوب، غصّه و غم یکسره
زینبه باخ زینبه، زینت اولوب حیدره
اُول داغیلان قیزلاری، جمع ائلیوب بیر یئره
شام غریبان دوتوب شاه شهیدانه، گل
.
.
زینب اسیر اولماقی، ذرّیده امضا ائدوب
عُمر، بویی عشقیلن، نقشی نی ایفا ائدوب
قارداشی نین نهضتین، دهریده احیا ائدوب
حیف اولا دؤندی اوجا قامتی چوگانه، گل
.
.
چؤلده حسین عترتی، جمله وطن سیز قالوب
پیکر صدپاره سی، عور و کفن سیز قالوب
غمزده بلبل لری، باغ و چمن سیز قالوب
گول لری پرپر اولان باغ و گلستانه گل
.
.
صاحب عزادور، اؤزی بو گئجه صاحب زمان
آغلیاجاقدور یقین، بو سؤزه اُول باغری قان
کسدی حسینون گؤزل، ال لرینی ساربان
سؤیله «بشیر»ا آنا! بو شب هجرانه گل
.
.
#شام_غریبان_سیدبشیرحسینی
#بو_گئجه_یا_فاطمه_ناله_و_افغانه_گل
#ترکی
.
#زبدةالاشعار
.
: @nohe_torki
نظر دهید