شب عاشورا
.
#زبدةالاشعار
.
: @nohe_torki
.
#سبک_یارالی_جان_یارالی … 4 سبک
.
مرحوم صافی تبریزی
بو گجه عترت پیغمبری نالان گورورم
صبحه دین نوحه کنان دیده سی گریان گورورم
.
.
بو گجه وئردی اجازه شه دین عترتیته
هر آنا صبحه کیمی دؤزسون اوغول زحمتینه
حاضر ائتسون کفن ئوز سرو سهی قامتینه
صبح اولاندا بالاسین قانینه غلطان گورورم
.
.
بو گجه زینت ایدر لیلی على اکبرینه
صبح اولونجا باخار آغلار او گوزل منظرینه
گه دارار زلفینی گه سُرمه چکر گوزلرینه
زلف اکبر کیمی لیلانی پریشان گورورم
.
.
باغلاموشدی سو یولون اوچ گونیدی قوم عدو
یوخودى خیمۀ اجلالده بیر شربه ده سو
النوردی سودان اؤتری قوریان جام سبو
هامی اهل حرمی تشنه و عطشان گورورم
.
.
بیر سو که فاطمه مهرینه ازلدن سالالار
گور روادور که اونون قیزلاری عطشان قالالار
سو خیالیله سزیلداردیلا خردا بالالار
غنچه تک لبلری نی گلی کیمی خندان گورورم
.
.
بو گجه شور حسینیله دوتوب عالمی شور
خیمۀ دین خداده واریدی فیض حضور
او خیامی که طنابیدی اونون گیسوی حور
آتش ظلمیله قلبیم کیمی سوزان گورورم
.
.
گاه مظلومه سکینه یانور ای وای دیوری
گه سودان اؤترى گزر خیمه لری وای دیوری
سو تاپانمور قاییدوب اصغره لای لای دیوری
اونی هر حالده ئوز حالینه گریان گورورم
.
.
گه سوسوزلاره باخور ایلوری عباس فغان
گاه غیظ اوسته گلور اودلانور اول جان جهان
زینبون حالینی گه یاده سالور آغلوری قان
کوی جاناندا اونی تشنه وئرن جان گورورم
.
.
.
.
#شب_عاشورا_صافی_تبریزی
#بو_گجه_عترت_پیغمبری_نالان_گورورم
#ترکی
.
#زبدةالاشعار
.
: @nohe_torki
نظر دهید