زبانحال حضرت فاطمۀ زهرا (س) به حضرت علی (ع)
.
✍️ #زبدةالاشعار ✍️
.
🆔: @nohe_torki
.
#رسول_فیضی_سائل
.
عم اوغلی باشیم اوسته گل که حال اِحتضاریم وار
جمال محتضرده گورسنن بیراِنکساریم وار
.
تمنای وصالوندور دئدیم اگلش کناریمده
سنون تشریفووه یوخسا کلاف جان نثاریم وار
.
اولان ای ماسوالله َوجودی محورایجاد
بوآخرساعتیم سندن بولورسن انتظاریم وار
.
اگرچه بحرمِحنتده غریق موج طوفانم
ولی شادم بوسودایه که سن تک بیرنگاریم وار
.
بودوقوزایلده بیردفعه تمنّا ایتمدیم سندن
بابام پیغمریله چونکه بیرعهد وقراریم وار
.
ولی ماذون ایله ایندی فقط بیرخواهشیم واردی
بتولی گل حلال ایله زبانِ اعتزاریم وار
.
منیم فخریم بودورای مهربانیم حال رحلتده
باشیم اوستونده مرآت جمال کردگاریم وار
.
اگرچه علّت ایجاد سیارات وافلاکم
سنه یارو هوادارم بونیله افتخاریم وار
.
عم اوغلی سن که واقفسن هامی اسرارپنهانه
بیلورسن محضرحقده نه اندازه وقاریم وار
.
بولورسن مندن اوتری جنّت الاعلاتاپوب زینت
بولورسن باغ فردوسه منیم فیض بهاریم وار
.
بولورسن خاک راهیم سرمۀ چشم ملائک دور
مدینه اهلی بولمزله نقدری اعتباریم وار
.
بولورسن مندن اوتری خلق اولوب ارض وسما یکسر
نگاهیمده منیم مین گردش لیل ونهاریم وار
.
سوروش عرض ایلیم امّابو شأن و بو وقاریله
ندن سیلاب تک گوزدن آخان بیرجویباربم وار
.
اوگوندن که الوندن جام صحبای ولا آلدیم
اوزوم بولدوم بوگونکی گون کیمی انجام کاریم وار
.
ولی اوزجانیوه اولسون قسم شرمندیم سندن
اگرچه سینه ده سندن مدال افتخاریم وار
.
همان هنگامه ده دامان امیدون یاپیشدیم من
دایاندیم هرقدرگوردوم قولومدا اقتداریم وار
.
حریف اولمازدی زهرایه اونامردان سنگین دل
گورردون سن نقدری اهتمام کارزاریم وار
.
حمایت عرصه سینده ایله محو رویون اولموشدوم
که بولمزدیم قولومداسینه ده آثارثاریم وار
.
منیم قلبیمده بویاره ساغالمازتادَم مَحشر
فراموش ایتمرم هرقدری عمرمُستعاریم وار
.
نه صورتدن نه بازودن نه سینمدن نه پهلودن
سبب بیرآیری مطلب دور که هرگون آه وزاریم وار
.
نجه گوردی گوزوم بندطنابه قولاّرون باغلی
بیله دنیاده قالماخدان عم اوغلی ننگ وعاریم وار
.
غم ایتمه ای منیم روحیم سلامون بی جواب اولسا
سلامیمدن نشان گوزدن آخان بیرچشمه ساریم وار
.
ملول اولما اگرزهراده ایستورسندن آیریلسون
بوایوده دورت معطّر گللریمدن یادگاریم وار
.
عم اوغلی گلشنونده بسلدیم دورت لاله وسنبل
سموم باد دیدن سولمین بیرلاله زاریم وار
.
گیجه ویرغسلومی مولا گیجیله قوی منی قبره
بولورسن بوجماعتدن عم اوغلی اِنزجاریم وار
.
بیله فکرایتمه جنّاتی نشیمن ایلرم سنسیز
هله دورفلکده چوخ چتین بیرروزگاریم وار
.
تمنّای دیلیم حاشا خیال باغ جنّت دور
جمالون جلوه سینده مین بهشت سایه ساریم وار
.
گورنده کربلاده زینبون آشفته احوالین
یقینیم دور اوچولده بوندان آرتوق آه وزاریم وار
.
قویوب یوزآستان رحمت واحسانیمه(سائل)
بولورعالمده مین لر سائل امیدواریم وار
.
.
.
#فاطمیه_شهادت
#عم_اوغلی_باشیم_اوسته_گل_که_حال_احتضاریم_وار
#ترکی
.
✍️ #زبدةالاشعار ✍️
.
🆔: @nohe_torki
نظر دهید