زبدةالاشعار

موهبت داور علینونکیدی #حیدریه

مدح حضرت امیرالمومنین (ع)
.
✍️ زبدة الاشعار ✍️

?: @nohe_torki
.
سیفی اردبیلی
.
موهبت داور علینونکیدی
پنجه معجزگر علینونکیدی
عشقیده کی جوهر علینونکیدی
سلطنت محشر علینونکیدی
.
.
یوخ چمن عشق علیده خزان
عزت علیدن قازانوبدور اَذان
ظاهر صورتده منم سوز یازان
سِحر قلم، دفتر علینونکیدی
.
.
نام علی ماخلقه جان ویرر
عدل علی کافره ایمان ویرر
شیر خدا، آی گونه فرمان ویرر
یدّی سما اختر علینونکیدی
.
.
مِثل علی کیمدی مقامه چاتان
حقّه گوره گوهر جانین ساتان
بستر طاهاده علیدور یاتان
مَسند پیغمبر علینونکیدی
.
.
نور علی ذره سیدور آفتاب
حیدره اعلا دیدی مالک رقاب
کیمدی علیدن صورا کور بوتراب
سهلیدی یر، گوگلر علینونکیدی
.
.
اولمادی حیدر فلکون محتاجی
رُتبه ویریلدی اونا باشلار تاجی
ویر قولاق ای حبّ علی سیز حاجی
کعبه ده سرتاسر علینونکیدی
.
.
کیمدی بو مولا، تانیانمز بشر
سوزلریمه وار سَند مُعتبر
مُرده ایدر زنده، مسیحا اگر
بیل، دَم جان پرور علینونکیدی
.
.
شأن علیده نه گزورسن دلیل
گلشن ایدنده اودی ربّ جلیل
ئیلدی سوسن لری بیر بیر خلیل
آخ دیدی بو گللر علینونکیدی
.
.
شکر ایله توحید پرست اولمشوق
طالعه باخ، باده پرست اولمشوق
هئچ خبرون وار نیه مَست اولمشوق
باده علی، ساغر علینونکیدی
.
.
شیعه لر انسان سرافرازدی
عاطفه ده عشقیده ممتازدی
آذری لر حیدره ره سربازیدی
هیئتیه سنگر علینونکیدی
.
.
#حیدریه_مدح
#موهبت_داور_علینونکیدی
#سیفی_اردبیلی
#ترکی
.
✍️ #زبدةالاشعار ✍️

متن پیشنهادی:  هدیۀ معبودیم ، مایۀ خوشنودیم #سجادیه_عدلی_تبریزی

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی