وداع حضرت سیّدالشهدا علیه السلام با حضرت زینب (س)
سوال و جواب
..
..
حاج اسماعیل زرین
..
..
..
بو گلماقون آندورور حسینیم
هنگام شهادتوندی قارداش
مشکل منه هر ملال و غمدن
بو چولده بو ساعتوندی قارداش
..
..
بی جا دگوری سرشک چشمیم
جاریدی عذاریمه گوزومدن
احوال شب سیه عیاندی
باخدوقجا بو تیره گوندوزومدن
هر چند حضور اقدسونده
خجلت چکورم من اوز اوزومدن
اما منی آغلادان بولورسن
بو نوعیله فرقتوندی قارداش
..
..
ای نور دو دیدۀ پیمبر
آرام دل حبیبه داور
من بیکسی صبره امر ائدورسن
وار دلدن اطاعتیم برادر
دین اوسته سنون کیمی دایانّام
هر محنته اولمارام مکدّر
بو زینبه هر زمان وظیفه
ایجاب وصیتوندی قارداش
..
..
ای مایۀ عیش جاودانیم
عیشیمده امید و سرفرازم
بو عالم مرگی حق ائدوبدور
هر ذی نفسه جهاندا لازم
اما گورورم بو غملی چولده
سن ئولماقیوا اولوبسان عازم
آرامیمی سلب ائدن اورکدن
انگیزۀ الفتوندی قارداش
..
..
سنسن منه بو فنا جهاندا
ظاهرده نشانه بیر آتامدان
بیر روح ایکی جسمدور بدیهی
بیر قاندی که آیریلوب او قاندان
روحیم سن اگر علاقه کسسن
جسمیم اولی عاری روح و جاندان
بی خود ائیلین منی اوزومدن
فطرتده کی شرکتوندی قارداش
..
..
لال اولسون حسین دلیم منیم گر
بیر کلمه بو سوز چیخا دلیمدن
گل گئت بوجدال اشقیایه
بات قانه ال اوز منیم الیمدن
چون واردی بو یولدا حق رضاسی
منده دوزرم ته دلیمدن
اما ال اوزنمورم وجودیم
مملوّ محبتوندی قارداش
..
..
احباب آرا دور چرخ گردون
بیر غصه لی آیریلق سالارمیش
بو نعمت وصلی جبر ایّام
الدن بو قراریلن آلارمیش
بیر عائله نصف روز ایچنده
بی صاحب وبی امان قالارمیش
یوخ چاره که اقتضاء تقدیر
فرمان شریعتوندی قارداش
..
..
اطرافوی هاله تک اوشاقلار
ای ماه منیر من آلوبلار
چهر خور ابر غم دوتوب چون
حیرتده ستاره لر قالوبلار
انظاری بوانقلاب افلاک
بیر عالم وحشته سالوبلار
ظلمات محنده زار و پژمان
بی چاره بو عترتوندی قارداش
..
..
یتماقه اگرچه قرب وصله
قلبونده واروندی سعی وسرعت
تأخیره مجال یوخ یتوبدور
هنگام فراقت و شهادت
اما بو حرملره نظر قیل
قالموبدی بولاردا تاب و طاقت
دلدن بولارین آلان قرارین
گتماقدا بو سرعتوندی قارداش
..
..
قارداش بو حرملرین بو چولده
سندن صورا یوخدی دادخواهی
اطرافیمیزی علاوه آلموش
خونریز بوکوفه نین سپاهی
گل بیزلره سن اوزون پناه اول
ای بوهامی عالمین پناهی
بو السیز ایاقسیز اهل بیتون
محتاج حمایتوندی قارداش
..
..
قارداش سنیده اگر بو چولده
ئولدورسه له قوم پست فطرت
واضحدی بیزاهل بیته دشمن
قویماز داخی احترام وحرمت
اولّوخ داخی کوفیان اسیری
برپا اولی بیزلره قیامت
گویا او قیامته علامت
عنوان شهادتوندی قارداش
..
..
سنیز بو بلالی چولده قارداش
بیزبی کسه کیم حمایت ائیلر
ال تاپسالا اهل بیتون اعدا
واضحدی بوقتل وغارت ائیلر
بو السیز ایاقسیز اهل بیتون
بس اوندا کیمه شکایت ائیلر
هرسمتی دوتوب گروه عدوان
دللرده خصومتوندی قارداش
..
..
سنسن شه لافتی نون اوغلی
اوز خصمنه وئردی کاسۀ شیر
هر شام و سحر عطوفتیله
ایتامی طعامیدن ائدن سیر
گل سنده بو اهل بیتون ائیله
ایتامینه ایمدی فکر و تدبیر
هر امر ایله سن بولار مطیع و
فرمانبر طاعتوندی قارداش
..
..
یوخسا بو سپاه کوفیانی
دین حقه ائتموسن دلالت
اجدادیوی بیر به بیر نشان ویر
بلکه تاپالار ره سعادت
ممکندی بو قوم دین تباهه
وعظون اولا باعث هدایت
هر تیره دله نه چونکه نافذ
انوار هدایتوندی قارداش
..
..
گرچه بوسپاه کینه جونی
معناده دوتوبدی خون ناحق
بیر مدّتی دستگاه کفرون
بنیانینه چون ویروبله رونق
بو پند و نصیحت دل انگیز
وئرمز بولارا نتیجه مطلق
ارشاد ایله سن گینه بو قومی
بیر لطف وکرامتوندی قارداش
..
..
سن مظهر ذات کبریاسن
محبوب خدای لایراسن
آئینۀ نور پاک یزدان
هم رهبر کل ماسواسن
ختم رسله وصی سوّم
مخلوق آرا حجت خداسن
جدّوندی سنون رسول اکرم
بو شان و شرافتوندی قارداش
..
..
توکماخلیقا قانوی اگرچه
ایلوب بوسپاه کینه شرکت
الله قانیدور توكوللر اما
بولموله گروه بی لیاقت
بیرگون بوقانی آلار اوز اوغلون
اول صاحب مذهب و شریعت
اثبات ائدرعالمه او ساعت
نه حق و حقیقتوندی قارداش
..
..
«زرین» که همیشه بزم غمده
اؤز قلبنی تیر غمله دلدى
هر یرده سنون آدون گلنده
فریاد و فغان وداده گلدی
بو عشق و محبّتیله اولسا
ملحق بیزه منتها گوزلدی
بو ذکر مصائبه جزاده
پاداش شفاعتوندی قارداش
..
..
..
#وداع #اسماعیل_زرین #حسینیه #حسینیه_وداع #زبدةالاشعار #ترکی
نظر دهید