در شهادت حضرت خاتم الانبیا (ص)
.
✍️ زبدة الاشعار ✍️
.
🆔: @nohe_torki
.
مرحوم صافی
.
بو گونده جان ویروب یتدی حضور یاره پیغمبر
گنه معراجه شوقیله گیدر احضاره پیغمبر
.
.
ازل بیر محفل عالی قوروب حق صدر خلقتده
ایدوب اشخاص معصومی قوناق اول بزم وحدتده
داخی خلق ایتمیوب بیر کس او اوندورت کیمسه عزّتده
ولی اوّل دیوب گلسون اوزی احضاره پیغمبر
.
.
بو احضاریله عزرائیل دایاندی باب امّیده
آلوب رخصت سلامه، دل آچوب تعظیم و تمجیده
خبر ویردوقجه جاناندان گلوردی شكره تحمید
دیردی جان ویرور مژده بیله اخباره پیغمبر
.
.
بیله عرض ایتدی درگاه رسوله قاصد جانان
كه جانان جانبیندن وار سیزه فرمان، بودور عنوان
اگر دنیایه وار میلی قِییت گَل، اولما نافرمان
وگر مشتاقدور گلسون بیزه دیداره پیغمبر
.
.
یتوردی یار پیغامین، دیدی اول پیك فرخنده
بو ایكّی امره محكومم اگر هر حكم اولا سنده
بویوردی جانیمی تیز آل، جهاندان دویموشام منده
ز بس بی شرم امّتدن دوزوب آزاره پیغمبر
.
.
یتوب اول دم امین وحی ایدوب تعظیم شانینده
پیمبر گوزلرین آچدی گوروب جبربلی یانینده
بویوردی قارداشی قارداش قویار تک بو زمانینده
مگر بولموردون آخِر جان ویرور دل داره پیغمبر
.
.
كنارین آلدی اولادی او حال احتضارینده
یغیلدی باشنه یكسر باشین آچدی كنارینده
بو گون گورسندی بی كسلوق توزی زینب عذارینده
گلوب بو حاله باخدوقجه چوخ آه و زاره پیغمبر
.
.
بویوردی یاعلی قویما حسینیم چوخ فغان ایتسون
بو وقتیمده منی آغلار گوزیله باغری قان ایتسون
حسن اوغلوم گَلوب داده یوزه اشكین روان ایتسون
بولورسن بو ایكی نوره اولوب گهواره پیغمبر
.
.
ویرنده شوق جانانلا بو گون جان صادر اوّل
اولوندی مصدر حقدن شفاعت آیه سی مُنزل
پیمبر صدرینه قویدی او ساعت اوز حسینی اَل
حسینی كه اُپردی گُل یوزون همواره پیغمبر
.
.
امیر مومنان اولموب رضا گورجاق بو احوالی
بولوردی جان ویرن دمدور او دم پیغمبرین حالی
حسینون اللرین چکدی كناره، ایلدی حالی
بویوردی جان ویرور جدّون اوغول بیچاره پیغمبر
.
.
گلیدون یاعلی دشت بلایه روز عاشورا
نه ظلم ایلور گوریدون بیر حسینه لشكر اعدا
یارالی سینه سی اوسته دیردی شمر بی پروا
گرك باشی آچوق عجزه گله كفّاره پیغمبر
.
.
آچوب قانلی گوزین اوغلون گوروب شمری گَلوب داده
بویوردی چوخ اثر ایلوب عطش احشا و ابكاده
منه بیر جرعه سو یاندیم سوسوزدان، باخ بو فریاده
جوابون وار گَله سنله اگر گفتاره پیغمبر
.
.
دیدی دنیانی سو دوتسا، سنه مندن سو ویرماق یوخ
سنی سیراب ایدن خنجردی، شمشیر جفادور، اوخ
دی گَلسون سو گَتیرسون یا حسین آخِر دیردون چوخ
آتام ساقیِّ كوثردور بابام احراره پیغمبر
.
.
دیمه بیر تك حسین باشین كَسوب شمر ستم پیشه
اَل آچدی غارته سویدی عیالین سالدی تشویشه
اسیر اولدی هامی عورت اوشاق بیر بیله بد كیشه
نولور حالی گوره زینب قالوب آواره پیغمبر
.
.
داخی یازما دایان «صافی» دوتوب اود دفتر و خامه
پیمبردن صورا جرات تاپوب كفّار اسلامه
همان جراتله قول باغلی عیالین چكدیلر شامه
باخوب گه زینبه یاندی گهی بیماره پیغمبر
.
.
.
.
#سبک_منیم_ای_تشنه_قربانیم
#سبک_علی_اصغر_مه_انور ( 8 سبک سینه و زنجیر)
.
.
#پیامبراسلام_شهادت
#بو_گونده_جان_ویروب_یتدی_حضور_یاره_پیغمبر
#صافی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید