آخرین شب عمر حضرت علی (ع)
.
#زبدةالاشعار
.
: @nohe_torki
.
#سبک_زینبم_جان_اوستیم … 4سبک
مشابه
.
.
مرحوم شعاع تبریزی
.
بو گیجه مهماندی شیر لم یزل اطفالینه
نازنین قلبی یانار اما حسنین حالینه
.
.
چون اوزی آگاهدی واردور باشندا نه بلا
درد هجران عترتین ایلر بلایه مبتلا
دردینه عالم طبیب اولسا ایده بولمز دوا
اهل کین نائل اولار ظاهرده شوم آمالنه
.
.
قان اولور باخدوقجا باغری بختی قاره زینبه
کشف راز ایتمور چکور پرده او سرور مطلبه
چون بولور غمدن دوشر زهرا قزی تاب و تبه
گوز یاشین گوزدن الیر رخسار حق تمثالینه
.
.
گه باخوب آغلار حسینه حجت جان آفرین
وار باشندا نه بلا آگاهدی یعسوب دین
گه سالوب آغلاردی یاده ماجراسین زینبن
گوزده ویرمیشدی اودی رخصت سرشگ آلنه
.
.
بیر حسینی که اونی نازیله بسلردی مدام
پرورش ویرمیشدی عزّتله اونا خیر الانام
سو کنارینده سوسوز باشین کسر قوم ظلام
بذل ایدر انگشتیله انگشترین جمّالنه
.
.
گه باخوب کلثومه آغلار شافع روز جزا
نه چکر جور عدودن نورعینی مجتبا
آز قالور سالسون آرایه آیریلیق دست قضا
حشردن آیت اولا بلقیس رو اطفالینه
.
.
بو گیجه واردور کواکبده بیر اوزگه انقلاب
انجمن ایلوب نجوم لامعه آغلار سحاب
ایستوری باتسون سپهر حقّده بو آفتاب
دوشسون عالم جور و ظلمون ظلمت ابطالنه
.
.
دوره سین آلمیش بو خورشیدین سولان اولدوزلاری
باش آچوب زلفون یولار بو غمده زهرا قزلاری
یوخلیان بیر عمر دنیاده هامی یالقوزلاری
حیف اولا اگلشدی گرد مرگ روی آلنه
.
.
اوخشار ایمدی دودمانی عرصه گاه محشره
کیم ویرور بولمم تسلّی عترت پیغمبره
کیم طبابت ایلوری یا زخم فرق حیدره
آغلار اهل ماسوا شاه نجف احوالینه
.
.
ایمدی باخدوقجا یانور عبّاسه شاه لافتا
یا بالا گوردوقجا ضعف ایلور آتا ایلور نوا
خانۀ زنبوره بنزر دودمان مرتضا
عالم آغلار بیر جفاکارین او بد افعالینه
.
.
یانه یانه سویلر ای نور دوعینیم آغلاما
اولما راضی دلده آرتا شور شینیم آغلاما
کربلایه ساخلا گوز یاشون حسینیم آغلاما
اوندا کی مغلوب اولارسان امّتین جهّالنه
.
.
یوز دوتوب آغلار گوزیله زینب خونین دله
ویر حسینیله بویوردی کربلاده ال اله
زورق کفری عدم بحرینده غرق ایله گله
ویر حیات جاودان اسلامون استقلالنه
.
.
آغلاما ساخلا بو گوز یاشین بلا صحراسینه
غرق اولان گون آغلاسان آلام وغم دریاسینه
لیک گوز یاشون ویرر دینون صفا سیماسینه
چونکه سنسن عمده باعث کفرون اضمحلالنه
.
.
ای «شعاع» دنیاده خوش ساعت او ساعتدور که سن
واجبات دینووه اوّلده اقدام ایلسن
آغلاسان بیرده حسینه آغلایان تا زنده سن
بو گوزل نیّتدی چیخ صدقیله استقبالنه
.
.
.
#حیدریه_شعاع_تبریزی
#حیدریه_شهادت
#بو_گیجه_مهماندی_شیر_لم_یزل_اطفالینه
#ترکی
.
#زبدةالاشعار
.
: @nohe_torki
نظر دهید