اربعین
..
..
#سبک_دولدوروب_جهانی
..
..
مرحوم ذاکر مراغه ای
..
..
یاتما قبر ایچینده بیر اویان حسینیم
شامیدن قیتدی کاروان حسینیم
غصّه باغریمی دلدى
آچ گوزون باجون گلدی
دور یارالی قارداش
دور یارالی قارداش
..
..
هجر اوتوندا یاندیم شور و شینه گلدیم
ظلمینی قوتاردی اهل کینه گلدیم
قبرون اوسته قارداش اربعینه گلدیم
یاتما ای شه عطشان
قبریوه باجون قربان
دور یارالی قارداش
دور یارالی قارداش
..
..
کوچ ایدنده آلدیم من کناره جسمون
قوملار اوسته عریان قالدی یاره جسمون
کیم قویوب مزاره پاره پاره جسمون
زینبه عیان ایله
حالیوی بیان ایله
دور یارالی قارداش
دور یارالی قارداش
..
..
دور ایدوم حکایت باشیمون قضاسین
کربلا بلاسین کوفه ماجراسین
زینبه نشان ویر قلبووین یاراسین
کیم چکوب او پیکانی
یا گینه آخور قانی
دور یارالی قارداش
دور یارالی قارداش
..
..
قبریوون کناری کاش اولیدی خلوت
خارج ایلییردوم رختیمی بو ساعت
پیکریمده بیر یر قالمیوب سلامت
سر به سر جراحتدی
قمچیدن علامتدی
دور یارالی قارداش
دور یارالی قارداش
..
..
سن کیمی یتوردوم عهدیمی تمامه
صبر ایدوب دایاندیم ظلم اهل شامه
ایندی قبرون اوسته گلمیشم سلامه
گلشنیم خزان اولدى
قامتیم کمان اولدی
دور یارالی قارداش
دور یارالی قارداش
..
..
تاپشوراندا اهلون زینبه امانت
نقد جانیلن من ایلدیم ضمانت
گتدیم اهل بیتون سر به سر سلامت
بیر بالون خیانتدن
کسر اولوب امانتدن
دور یارالی قارداش
دور یارالی قارداش
..
..
ایلدی بو زاری باغرى قان رقیه
یاتدی سینم اوسته هر زمان رقیه
آج خرابه یرده ویردی جان رقیه
گل کیمین سارالمشدی
اوزگه حاله قالمشدی
دور یارالی قارداش
دور یارالی قارداش
..
..
ناقه اؤسته دائم ایپ قولون کسردی
اوج ایدردی عرشه دلدن آه سردی
هر گورنده شمری قورخودان أسردی
قلبی غصّه دن دولدی
عاقبت هلاک اولدی
دور یارالی قارداش
دور یارالی قارداش
..
..
هر جفایه قارداش صبر ایدوب دایاندیم
لیک بیر ستمدن فوق العاده یاندیم
معجریمی باشدان آچدیلار او تاندیم
ایله باش آچوق قالدیم
زلفیمی یوزه سالدیم
دور یارالی قارداش
دور یارالی قارداش
..
..
عورتین حیاسی بسته دور حجابه
چوخ چتیندی بو ایش آل بو ترابه
باشوویله گیتدیم مجلس شرابه
آه او کاخ عشرتدن
خصم ایدن جسارتدن
دور یارالی قارداش
دور یارالی قارداش
..
..
ساکت ایله قارداش اصغرین آناسین
اللری اورکده آختارور بالاسین
رد ایله بالاسین باغلاسین یاراسین
گوز یاشین الر آغلار
آهو تک ملر آغلار
دور یارالی قارداش
دور یارالی قارداش
..
..
..
#اربعین #ذاکر_مراغه_ای #ترکی #زبدةالاشعار
نظر دهید