تشنگی آل الله در کربلا
.
زبدة الاشعار
?: @nohe_torki
.
مرحوم خوندل تبریزی
.
بیر اود سالوبدی قلبیمه آهیم شراره سی
اشکیم عنایت ایتمسه گر یوخدی چاره سی
.
فکر ایلدیم بو شرح غمی یازمیوم، یازوم
عقلیم دیدی که خیردی یوخ استخاره سی
.
آیینۀ خیالیمی دولدوردی نقش غم
قصدیم بودور او نقشین اولا بیر اشاره سی
.
مد نظرده جلوه لنور دشت کربلا
عین ولادی یوخ سوزمون استعاره سی
.
بیر با وفا حرم اوزی بیر مهربان آنا
سود یوخ ، سو یوخ الینده یانور شیر خواره سی
.
مین دیللریله دل دیور اما دانیشموری
لابد گورور او بحر غمین یوخ کناره سی
.
نه لایلائی ، نه اللری ، نه اودلی سینه سی
آرام ایدیر نه سود امرین گاهواره سی
.
هر دم دیور الهی بالام یاندی آز قالور
آخسون الیمده چرخ رسالت ستاره سی
.
بیر اود سالوبدی قلبیمه حسرت باخیشلاری
عمرومجه قالدی دلده او نارین شراره سی
.
جان اوسته دور شماریه دوشموش نفسلری
اما منیمده غملریمون یوخ شماره سی
.
بو دردناک خاطره بو سوزش عطش
بو شیرخواریمون اولاجاق یادواره سی
.
تیر نگاهی قلبیمی مجروح ایدوب ولی
مرهمدی عشق یاره سینه یاره یاره سی
.
مدرک فقط الیمده بو قلبیمده چاک چاک
بیر پاک عشقمین سنده پاره پاره سی
.
#خوندل نقدر ایلسه خدمت محال اولار
شکرانۀ سلامت عمر دوباره سی
.
#شب_عاشورا
#حضرت_رباب
#بیر_اود_سالوبدی_قلبیمه_آهیم_شراره_سی
#خوندل_تبریزی
#ترکی
.
?: @nohe_torki
: @nohe_torki . حاج رحمان شاجری . کیمسه یوخ خلقتده غیر از جدّی،اکبردن گوزل مصطفی سیما علی سیرت گوزللردن گوزل . قویدی دنیایه قدم چون اون بیر شعبانیده عرش و فرشه ویردیبیشتر
نظر دهید