زبدةالاشعار

یاران بو گیجه چوخ پوزولوب حالی حسینون #صحاف_تبریزی

شب عاشورا
.
✍️ زبدة الاشعار ✍️

?: @nohe_torki
.
مرحوم صحاف تبریزی
.
یاران بو گیجه چوخ پوزولوب حالی حسینون
صبحه کیمی وحشتده دور اطفالی حسینون
.

شاه شهدا گه باخار اطفالینه آغلار
گه زینبون عاقبت حالینه آغلار
زینبده حسینون باخار احوالینه آغلار
هر لحظه پوزان حالینی احوالی حسینون
.

باخ کوفه لیلرده گورونن مکر تمامه
یازدی نچه مین نامه امام اوغلی امامه
مهمان آدینا دعوت ایدوب سالدیلا دامه
عنقا کیمی باغلاندی پر و بالی حسینون
.

بیر شه که اولوب عالمون ایجادینه علت
امرین او یره چکدی اونون قوم ضلالت
دشمندن آلوب مصلحتا بو گیجه مهلت
چون طاعت معبودیدی آمالی حسینون
.

متن پیشنهادی:  گینه قلبیم گلوب درده اماندور ساربان گیتمه #راه_شام_وافی_تبریزی

میر حرم اطرافین آلوب لشگر اعدا
عباس دوروب الده قلج رزمه مهیا
ظاهرده اُسور بیدقینین پرچمی اما
باطنده یاتوب بیدق اقبالی حسینون
.

از بسکی کسوب چاره یولین لشگر مغرور
درد غم ایدوب خاطر مسعودینی رنجور
چوخ دشمن آرا آز کومکیله اوزی محضور
بر دایره ده نقطه دی تمثالی حسینون
.

اولموش نظرینده سحر اوضاعی مُبَرهن
آلقانه دونن دلده غم کینۀ دشمن
غنچه کیمی لبلر قوریوب سوز عطشدن
بیرده بویانوب اشکه رخ آلی حسینون
.

گه غم دیزینه سرور لب تشنه قویور باش
بیر خیمده گه درد دل ایلر باجی قارداش
هر سوز باشی اسرارین ایدور زینبینه فاش
اعلام ایدور اوز قتلینی اقوالی حسینون
.

متن پیشنهادی:  بهار عیشی ظلمیله خزان اولوب سولان آنا #فاطمیه_بهار_تبریزی

گاهی چکیلور خیمه ده بیر مجلس زاره
محبوبیله سرگرم اولوری رازه نیازه
قرآن اوخور اولشاه دو درگاه نمازه
لاهوتی سالور حیرته اعمالی حسینون
.

اطفالین ایله سوز عطش وار جگرینده
گوز یاشی گلوب جوشه داشوب چشم ترینده
بیر شربه تاپولمور سو حرم خیمه لرینده
کسمیش سو یولین دشمن قتّالی حسینون
.

اصغر یانار از بسکه عطشدن ایدر افغان
سویلر آناسی آغلاما ای طفل لب عطشان
قورخوم بودی خجلت چکه شاهنشه دوران
بو حالوا یوخسا ایدرم حالی حسینون
.

متن پیشنهادی:  باجون زینب بوغربتده وئرور جان گل حسین قارداش #زینبیه_شاجری_زنجانی

حسرتله باخور قاسمه گه شاه شهیدان
گاهی نظر ایلور بالاسی اکبره حیران
بلمش تیز ایاقدان دوشر اول سرو خرامان
گوزدن آخور اشک تیره سالی حسینون
.

صبح اولسا بلور باشلیاجاق ظلمنی اشرار
بیربیر باتاجاق قانه هامی یاور و انصار
اهل حرمه قالمیاجاق یار و هوادار
دشمنلر اَلینده قالاجاق آلی حسینون
.

محشرده سالان وقتده مخلوقی ردیفه
هر کیم سوَه #صحاف اولا ساق الده صحیفه
دنیاده گرگ ایلیه ایفای وظیفه
اوز دردین ایده نوحۀ اجمالی حسینون
.

#سبک_ای_باد_صبا ( بیش از 7 سبک)
.

#شب_عاشورا
#یاران_بو_گیجه_چوخ_پوزولوب_حالی_حسینون
#صحاف_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی