بیر بلبلم گول عشقی آلیبدیر توانیمی #مهدیه_صحاف_تبریزی

یا مهدی
.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
بیر بلبلم گول عشقی آلیبدیر توانیمی
ای باغبان، داغیتما منیم آشیانیمی
.
من عشق سرّینی ایلرم اغیاردن نهان
سن آشکاره سالما بو راز نهانیمی
.
ایلکی قضا یازیبدیر ازل گونده سینه مه
بیر گولدن اؤتری وورماقا مین خاره جانیمی
.
دؤندرمه قانه باغریمی گول غنچه سی کیمی
عرشه اوجالتما پرده به پرده فغانیمی
.
چون عشق عقله غالب اولوب، لاابالیم،
فکر ائتمرم بو باره ده سود و زیانیمی
.
قربان عشق یار، محبت فداسیم
من وئرمیشم ازلده سنه امتحانیمی
.
جانان یولوندا وئرماقا جان دلخوشام اؤزوم
بو شرطیله اؤلنده کسه یاریانیمی
.
آخر نفسده بیرده گؤرم گول جمالینی
شبنم کیمی نثار ائدم اشک روانیمی
.
اولسام دا قتل عشق سر کوی یارده
قویماز «صحاف» محو اولا نام و نشانیمی
.
.
#بیر_بلبلم_گول_عشقی_آلیبدیر_توانیمی
#ترکی
.
✍️ #زبدةالاشعار ✍️
.
🆔: @nohe_torki