بیر سوسوزدان قوریان لبلری سو یاد ایلر #حسینیه_بیضا_اردبیلی

شهادت امام حسین (ع)
..
..
..
..
مرحوم بیضا اردبیلی
..
..
..
..
بیر سوسوزدان قوریان لبلری سو یاد ایلر
گئجه نی صبحه کیمی سو اودی فریاد ایلر
..
..
..
..
گزر آواره ویرار باشینی داشدان داشه
ناله ایلر دالیدان ذبح اولونان بیر باشه
بلی لازمدی گرک شیعه اولان آغلاشه
گر چه آغلاشماقا بیگانه لر ایراد ایلر
..
..
..
..
گوزوون یاشینی جاری ائله كم اولما سودان
او تباکا وجب الجنَّه دی آئیل یوخودان
لخته لخته اورگی شیعه اولانون اولی قان
گئجه لر یاتماز حسین آدینی اوراد ایلر
..
..
..
..
سینووی چاک ائله آغلا زن ثکلالر تک
اولما بیچاره تماشاچی او اعدالر تک
غوطه ور قانووه سنده او شهدالر تک
سنی مانع گورک هانسی ائوی برباد ایلر
..
..
..
..
نئجه خاموش اوتورور تشنه لب آقاسی ئولن
بوینی چگنینده گرک آغلیا مولاسى ئولن
اولی مجنون دولانور چوللری عباسی ئولن
باش آچوق کوچه و بازاره دوشوب داد ایلر
..
..
..
..
زینب غم زدیه گر ساق اولیدی عباس
عالم اولسیدی عدو ائتمزیدی ذرّه هراس
قویمادی شمر حسینه او خانم دوتسون یاس
بو قدر ظلمی نه فرعون و نه شدّاد ایلر
..
..
..
..
آتام آنام سنه قربان اباعبدالله
معاویه اوغلی سنه ایلدی ثابت نه گناه
ئولدوروب تشنه سنی بولمدى قوم گمراه
ئولدورنلر سنی پیغمبره بیداد ایلر
..
..
..
..
یاندیران بیر اودون آدیدی محرّم نامه
نقدر شرح اولونا یتمیه جک اتمامه
آغلیانلار بو شه بی کس و تشنه کامه
قارداشی اَلده ئولن باجیه امداد ایلر
..
..
..
..
گوردی کول اوسته حسینون قویوب اعدا باشینی
گلدی افغانه آچوب حضرت زهرا باشینی
اوخشیوب آغلادی بیر ئوپدی او زیبا باشینی
او باشین عشقی بیزی نالیه معتاد ایلر
..
..
..
..
ویرا هر کیمسه حسین دامنینه چنگ امید
گر شقی سه اولار آخر نفسینده او سعید
خواه جامه اولا «بیضا» سیه و خواه سپید
پیر کامل اونی بیر لحظه ده ارشاد ایلر
..
..
..
..
#حسینیه #بیضا_اردبیلی #حسینیه_شهادت #ترکی #زبدةالاشعار