زبانحال حضرت زینب سلام الله علیها در حال احتضار (بیاتی لار)
سوال و جواب حضرت زینب (س) با امام حسین (ع)
.
✍️ #زبدةالاشعار ✍️
.
🆔: @nohe_torki
.
#سبک_امید_و_سقای_حرم_اباالفضل
مشابه
.
مرحوم انور اردبیلی
.
بیر عمر قاره پوش اولدوم الهی
توکنمز درده توش اولدوم الهی
نفس چکدیم آلشدیم نار غمدن
کول اولدوم نه خموش اولدوم الهی
.
.
.
اجل سیلی گلوب آشسون باشیمدان
خلاص اولسون گوزوم بو گوزیاشیمدان
ئولوم چوخ یاخشیدور حسرت چتیندور
یانیمدا یوخ باجیمدان قارداشیمدان
.
.
.
چمن تک باد محنت اسدی سولدوم
بولوط تک اشکیم آخدی اشگه دولدوم
یاتان بختیم ئولن وقته اویاندی
رقیّمله گلوب همسایه اولدوم
.
.
.
ائدوب نی تک نوا دینجلدیم الله
جهاندا یوخ صفا دینجلدیم الله
دچار دردیدیم درمان گزوردوم
اجل اولدی دوا دینجلدیم الله
.
.
.
شکسته خاطرم دِلده یارام وار
کمنده دوشموشم بوردا هارام وار
یاتوبلار ائللریم کرب و بلاده
منیم کرب و بلادن چوخ آرام وار
.
.
.
چخور جانیم ئورکده چوخدی دردیم
آنام گلسیدی دردیم شرح ائدردیم
حسینیندن نشانه واردی منده
وئروب بو کوینگی راحت گئدردیم
.
.
.
اشاره مدن منه نیت حسیندور
یورولموش روحیمه عزت حسیندور
عزادارم گلر سالماز نظردن
عزاداره وئرن قیمت حسیندور
.
.
.
یغشدی سینه مه جان قارداشیم گل
گلن یوللاره قربان قارداشیم گل
یاپوش عباسیمون السیز الیندن
دلونده ذکر قرآن قارداشیم گل
.
.
.
نفس دوشدی شماره قارداشیم گل
دچارم احتضاره قارداشیم گل
غمیم قورتارمادی عمروم قوتاردی
منی گل قوی مزاره قارداشیم گل
.
.
.
بو سس یتدی کأنّه کربلایه
تکان وئردی غریب نینوایه
ابوالفضلون چاغوردی نهرون اوستن
باجون ئولدی گئدک قارداش عزایه
.
.
.
اَول من اوخشیوم ویلان باجیم وای
صورا سن سسله سرگردان باجیم وای
و یا وئر سس سسه باهم ذییَک بیز
ئورگی غصه دن شان شان باجیم وای
.
.
.
بلیّاته دوزن یورقون باجیم وای
ائلیندن ال اوزَن یورقون باجیم وای
دیار کوفه نی بازار شامی
قولی باغلی گزن یورقون باجیم وای
.
.
.
رشیده قدّی غمدن خم باجیم وای
تفاقی عزتی برهم باجیم وای
یانان بیر شمع تک هجر آتشینده
حیاتی قورتاران کم کم باجیم وای
.
.
.
هدفدن گئتمدون ساق صول باجیم وای
گئدوب قبرونده آرام اول باجیم وای
ساچی آغ زلفی آغ قلبی شکسته
بدنی قمچیدن یول یول باجیم وای
.
.
#زینبیه_انور_اردبیلی
#زینبیه_شهادت #اوخشاما
#بیر_عمر_قاره_پوش_اولدوم_الهی
#ترکی
.
✍️ #زبدةالاشعار ✍️
.
🆔: @nohe_torki
عالیه تشکر