از زبان شهیدان وجانبازان
.
.
.
حاج اصغر فرشچی (عدلی تبریزی)
.
بیزساکن میخانه لرو می زدگانوخ
بیزمی خور اول میکیدۀ پیرمغانوخ
بیزباغلاموشوخ پیرجمارانیله چون عهد
عهد اوسته واروخ بیز گینه ده باذل جانوخ
بیزجمله شهیدوخ هم اسیروخ همی جانباز
بیرعده بسیجی سپهوخ پیر وجوانوخ
عشق اوسته بیزوخ نوش ایلیلن جام شهادت
بیز روز جزا روی خوش خط امانوخ
کیمسه بیزی جزعاشق صادق تانیانماز
گوندوزاوتون آلتوندا گجه اشک فشانوخ
جان ویرماقیلن بیز وطنی ایلدوخ آزاد
روبه صفتان بولدوله بیزشیر ژیانوخ
قانیله سواردوخ چمنون دشت و دیارین
دنیاده تانوللار که بیزی لاله نشانوخ
هرلاله آچان یرده صفا واردی وفا وار
سویلوله شهیدلرهاموسی اهل جنانوخ
هرچند دگوب جسمیده ترکش گینه واردی
پیک اجله وعده ویروب رقص کنانوخ
بولسونله اولارکی یتوشوب پست ومقامه
بیزحیله سینه رشوه سینه دل نگرانوخ
ساتماز بو قانی هم وطنیم پول و مقامه
بیز شاهد اعمال بد یار خسانوخ
زهرا بالاسی گلسه گلستان اولی دنیا
گل گل دئیروخ هجرینه بی تاب وتوانوخ
بیرعمردیوب “مهدی بیا” هر گجه (عدلی)
عشق اهلیدی باهم اونیله منتظرانوخ
.
.
#شهید
#بیز_ساکن_میخانه_و_هم_می_زده_گانوخ
#عدلی_تبریزی
#ترکی
.
.
نظر دهید