زبدةالاشعار

باشون على بو نیزده توز بوریوب غباری وار #راه_شام_ناظم_تبریزی

راه شام
زبانحال حضرت سکینه به سر برادرش

.
✍️ #زبدةالاشعار ✍️
.
🆔: @nohe_torki
.
#سبک_ای_حرمینه_ناز_ایدن
.
مرحوم ناظم آقا تبریزی
.
باشون على بو نیزده توز بوریوب غباری وار
ایله نظر سکینیه گور نجه روزگاری وار
.
.
خیلی عجب که مه یوزون پرده سی واردی رنگ رنگ
قرمزی قان قرا تلون بیرده غبار خاک و سنگ
باخ باجوون بو وضعینه گور که اسیر روم تک
ناقه ده نالیه قرین هرگذره گذاری وار
.
.
چونکه نظاره نیزده بوخط و خاله ایلرم
آی تک اولان جمالوه آهیمی هاله ایلرم
گل یوزیوی گورنده من شوریله ناله ایلرم
تا بُله لربو گلشنون بلبلی وار هزاری وار
.
.
مین غم و درده ای علی ایلموسن قرین منی
شامه چکر طنابیله طرّۀ عنبرین منی
بیرجه اؤپوم او گل یوزون قویموری اهل کین منی
منده بو ظلم دشمنه قاب ایدرم، که تاری وار
.
.
طرفه نقاب یوزه بیله، بدر شمایل ایتموسن
لیلی دلشکسته نی نالیه مایل ایتموسن
بیله که گل یوزه علی زلفوی حایل ایتموسن
کیم بولی لیلنون نجه اکبر گلعذاری وار
.
.
نرگس گوزلرون دولوب مثل پیاله قانیلن
قانه دونوب منیمده بو باغریم علی فغانیلن
بول که سورونّم هر یره گیتسه باشون بو جانیلن
گرچه نه تابی جسممون نه دیلیمون قراری وار
.
.
شمرون الونده یا اخا خون جگرم یارالیم
خارجی آد قویوب منه، بولمیه لر هارالیم
اؤ کیمی باغلیوب منی من که حرم مارالیم
عمه لریمده من کیمی سلسله ده قطاری وار
.
.
.
ایاق یالین بو یولّاری بسکه پیاده گلموشم
طاقت و جان تمام اولوب ای علی جانه یتموشم
اهل جفایه بولمورم جرم و خطا نه ایتموشم
کیم منیلن، بو نوعیله کینۀ بی شماری وار
.
.
ناقه ده اوخشارام سنی هر گیجه زار و دل ملول
من دیرم علی علی لیلی دیر جوان اوغول
هرنه گله بو باشیمه میلیله ایلرم قبول
گرچه بوظلم بحرینون، نه تھی نه کناری وار
.
.
شامه منی آپارسا شمر، کینیله، دل کباب ایدر
خون جگر غذا اولور شربتی اشک ناب ایدر
منزل ایدر خرابه نی بستریمی تراب ایدر
لیک یزید قیزلاری بالش زرنگاری وار
.
.
شمری گورنده قورخودان لرزه دوتار بو پیکریم
دل دوتولار او دم دولور خون دلیله گوزلریم
ایستیه بلمورم باشون دلده قالوبدی سوزلریم
بسکه او کینه پرورون ظلمده اشتهاری وار
.
.
تیر بلایه گوگلیمی زجر نشانه ایلیوب
تا منی صید ایده باشون ایله بهانه ایلیوب
زلفوی دام چون منه خالوی دانه ایلیوب
من تک اونون او دامده قرخا یاخون شعاری وار
.
.
گر گیده سینه دن هامی اهل جفا ایدن یارا
بول که دگول بو نسگلون دلدن علی گیدن یارا
قالدى قوم أوسته پیکرون سینه یارا بدن یارا
هر ئولنون اگر چه بیر کافر أولا مزاری وار
.
.
عجزیله ایسته «ناظما» عرض ایله حیّ داوره
جملۀ دستۀ حسین یوز قویا قبر اکبره
ایله تدارکون بو گون سنده قاریش گیدنلره
اویما بو روز و شب گیچن عمره، نه اعتباری وار
.
.
#راه_شام_ناظم_تبریزی
#باشون_على_بو_نیزده_توز_بوریوب_غباری_وار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  شاد اول گوگول که سندی قانون کفر و ذلّت #17ربیع_منتظری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی