دربی وفائی دنیا و گریز به حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
بیلون ای گروه سعادت نصیب
منازل اوزاقدور اجل عنقریب
.
محل اقامت دگل بوجهان
کو چاکوچدہ دور متصل بو جهان
.
سرافیل ایدر دمبدم صوری دم
سؤرر کاروانی قدم بر قدم
.
ئولوم شاهراهین طی ایتمکده سوز
دوروبسوز ولی تند گیتمکده سوز
.
دیوبلر همه سالکان جهان
بو دنیانی بیر منزل کاروان
.
دوشر بیر گجه صبح اولاندا کؤچر
ویاکورپیدور کارواندورکچر
.
کیم ایلریول اوسته عمارت بنا
که واردور بناسینده سیل فنا
.
بیر آز شدت ایتسه پل اوسته چیخار
که بو کورپنی پای تا سر یخار
.
آدین خلق ایدن قویدی دار فنا
که دار فنا داری دوتماز بنا
.
اگر عزت و دولت و ملک و مال
اولور پایمال سپاه زوال
.
اگر قصر و ایوان عالی غرف
اولور مال وارث سلف بر سلف
.
کنیز وغلام و خدم هم حشم
اوزونله پس و پیش اولولار عدم
.
گورر حس چشمیله هر خاص و عام
که دنیاده یوخدور قوام و دوام
.
قصورینده واردور قصور خراب
عماراتی سیلاب ایچنده حباب
.
نه معمور دور عمرده وار ثبات
نه جان جامی سرشار آب حیات
.
اگر رستم دستان یاکه زال یتر
شیخ و شابه زمان زوال
.
نه چوخ پادشاهان خسرو خدم
باسوب تاجینی تختنی گردغم
.
نه اعیان و اشراف مثل ملوک
ایدوبله جلالیله غافل سلوک
.
گلوبلر گیدوبلر لَهُم لامرد
قویوبلار بیر آد یاخشی یا اینکه بد
.
یتن وقته ارواحه حکم خروج
دایانماز قباقدا مشید بروج
.
نه چوخ نوجوانان گلگون عذار
یاتوبلار قرا تپراق آلتندا خوار
.
اولوب عقرب زلفه پیچیده مار
دوتوب تار گیسوده موران قرار
.
نه یوزده طراوت نه گوزلرده ناز
نه سوزده حلاوت نه دیللرده راز
.
دولوب درد دردیله جام امل
گلوبدور گوزینه خمار اجل
.
اولوب قامتی نخل بیبار برگ
درخت حیاتی ویروب بار مرگ
.
نه زیبا عذاران و نازک بدن
لباس غبار و کفن پیرهن
.
قویوب باشینه داش متکا لحد
یاتوبدور اویانماز داخی تا ابد
.
نه چوخ سینه لر خاکیله چاک اولوب
قراگوزلرون سرمه سی خاک اولوب
.
ییوبله نه چوخ لذتیله طعام ییور
اونلاری مار و مور و هوام
.
ایچوبله نه چوخ مشک قندیله آب
دولوب کاسه سرلرینه تراب
.
نه چوخ صاحبان کنیز و غلام
که قویمشدلار شان و شوکتده نام
.
نه چوخ تازه داماد اولوب خوار و زار
اولوب حجلۀ عیشی کنج مزار
.
قرا تپراق آغوشینه چون آلوب
باشی قاره لی نوعروسی قالوب
.
چخان آدلاری جمله یاددان چخوب
نه یاددان که طومار آددان چخوب
.
پریشان اولوب زلفی هم کاکلی
قالوب حجله سینده حنالی الى
.
سولوبدور گلی بلبلی لال اولوب
چکن جسمین آغوشه غسال اولوب
.
آناسی باجیسی چخوب صبردن
دگل بیرده ممکن چخا قبردن
.
نه مشکلدور عالمده بیر کوره کن
گیه تازه خلعت یرینه کفن
.
.
#پندیات_دخیل
#قاسمیه_شهادت
#بیلون_ای_گروه_سعادت_نصیب
#ترکی
.
✍️ #زبدةالاشعار ✍️
.
🆔: @nohe_torki
نظر دهید