تاپدی یثربده تولّد نور وحدت مجتبا #حسنیه_شعاع_تبریزی

تولد حضرت امام حسن (ع)
.
#زبدةالاشعار
.
: @nohe_torki
.
مرحوم شعاع تبریزی
.
تاپدی یثربده تولّد نور وحدت مجتبا
حجت حق نوگل گلزار جنّت مجتبا
.
.
اولدی ظاهر نیمۀ ماه مبارکده بو نور
مه جمالیندن ایدوب نور خدا اولدم ظهور
کون و امکانی منوّر ایلدی چون کوه طور
قلب موساده ایدوب تولید حیرت مجتبا
.
.
عالمه قویجاق قدم اول محرم اسرار حق
دولدوروب یکسر فضای یثربی انوار حق
کشور حقّه شفق سالدی همان آثار حق
گلشن دینه ویروب بیر اوزگه زینت مجتبا
.
.
نچّه القاب شریفی وار او شاه اطهرین
مجتبا زاهد زکی برّ و اثیر و هم امین
سیّد و سبط و نقی محبوب ربّ العالمین
بیرده حجّتدور اولان خلّاقه حجّت مجتبا
.
.
صاحب عزّ و شرف محبوب حیۀ ذوالمنن
زادۀ شیر خدا سبط رسول ممتحن
نور چشم حضرت زهرا حسن شاه زمن
معدن صبر و تحمّل بامتانت مجتبا
.
.
طیّب و طاهر گلوب دنیایه بو سلطان دین
یوز ترابه قویدی تا بی فاصله اول مه جبین
بیر الی پرده دوتوب سمت سمایه بیر الین
ایلدی اقرار وحدت ماه طلعت مجتبا
.
.
بابوی اوغلی روایت ایلر اول نیکوسیر
حضرت سجاد دندور یازدیقیم اصل خبر
بو ولادتده او سرور بیله فرمایش ایدر
چون تولد تاپدی ذات حقّه آیت مجتبا
.
.
عرض ایدوب شیر خدایه معدن عفّت بتول
نه قویورسان آدینی بو طفلین ای فهل الفهول
قوی بالامون آدینی قیل بو تمنّانی قبول
بو کرمله باشه قویسون تاج عزّت مجتبا
.
.
ایتدی فرمایش بتوله شهریار مستطاب
ایتمرم پیغمبره سبقت من ای کان حجاب
قوی اولا تشریف فرما حضرت ختمی مآب
خوشدی گورسه مصطفادن لطف و رأفت مجتبا
.
.
آلدی آغوشه دُر گنجینه سین خیرالنّسا
محضر پیغمبره گتدی مه برج حیا
اللری اوسته آلوبدور شوقیله خیرالور
جدّینه ویردی سلام نور هدایت مجتبا
.
.
سویلدی من بو لباس زردی نهی ایتدیم کرار
ایتدیلر فوراً لباس زردی جسمندن کنار
آغ لباسیله اولوب ملبوس او شاه تاجدار
من دیمم بو جامه ده واردور نه حکمت مجتبا
.
.
یوز دوتوبدور لافتایه شافع روز جزا
سویلدی آدین نه قویدوز اوغلومون یامرتضا
ایتمرم سبقت سیزه عرض ایلدی شیر خدا
اخذ ایده سیزدن گرک لطف و کرامت مجتبا
.
.
ایتدی فرمایش رسول حق او شاه تاجدار
ایتمرم سبقت عم اوغلی منده حقّه زینهار
نازل اولدی جبرئیل اولدم بحکم کردگار
اولدی غرق بحر عزّ و شان و شوکت مجتبا
.
.
سویلدی شاها واریمدور چون سنه حقدن سلام
بیله فرمایش ایدور بعداً خدای لاینام
قوی آدین شبّر بو مولودین سن ای شاه آنام
قویدی باشه گور نجه تاج شرافت مجتبا
.
.
بیر اوغول ویرمشدی هارونه خدای عالمین
شبّر آدلی وار گوزل معناسی شبّر لفظنین
سن حسن قوی آدینی بو سرورین ای شاه دین
جدّینون آدیله هم تاپدی کنیّت مجتبا
.
.
گر شعاع تشریح اولا بوماجرا سوز طول اولور
باشلیاندان سن بو اشعاری گوزون جامی دولور
حیف اولا خارین جفاسندن بو شه گل تک سولور
خوش گونه آخر قالور عالمده حسرت مجتبا
.
.
#حسنیه_شعاع_تبریزی
#حسنیه_میلادیه
#تاپدی_یثربده_تولد_نور_وحدت_مجتبا
#ترکی
.
#زبدةالاشعار
.
: @nohe_torki