زبدةالاشعار

سکوت محضیدی شهر مدینه خلوتیدی #فاطمیه_عندلیب_تبریزی

شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
#عندلیب_تبریزی
.
سکوت محضیدی شهر مدینه خلوتیدی
گِئجه یاریدی، قَرانلیق چو شام ظلمتیدی
.
جوار شمعیده پروانه لر یورولموشودی
مقام عاشق و معشوقیده کسالتیدی
.
بقیع چولونده غبار بلا اوتورموشودی
بقیع دمه نه بقیع صحنه ی قیامتیدی
.
گلیردی کوی بنی هاشمین سیزیلتی سسی
نه سس کی مایه ی رنج و تب و ملامتیدی
.
ایشیق گلیردی بیر اِئودن اودا علی اِئویدی
نه اِئو کی مجلس ماتم لره شباهتیدی
.
بیر آغلاماغ سسی بیر سو سسی گلیر قولاغا
بو آب چشمیدی یا آب غسل میت یدی
.
کمال غربته باخ یار یاره غسل وِئریر
نِئجه جنازه دِئمه پیکری سلامتیدی
.
همان او اَل کی آچوب خیبرین ییخیب قاپیسین
اِئله اَسیردی، اونون لرزشی نهایتیدی
.
قوتاردی غسل ولی قوتاریب دی عُمر علی
نِئجه دوزِیدی،مگر اَلده کی امانتیدی
.
باخاباخا بالالار اِئتدیلر آنایه کفن
تصور ایله گوگول گور نه غم لی حالتیدی
.
یانان قاپی آچولوب چیخدی بیر کیچیک تابوت
اَل آتدی یِدی نفر ، یِدی دست رأفعتیدی
.
باخان دییَر دی او تابوتیده یاتان یوخدی
یاتوب ولی او کی عالم لرین طراوتیدی
.
ووراردی باشینه زینب دییَر دی ایوای آنام
آپارمیون آنامی وقت استراحتیدی
.
خدایه شاکر اول ای ( عندلیب ) صبح و مسا
اَلینده کی قلمین اهل بیت عنایتیدی
.
.
#فاطمیه_شهادت
#سکوت_محضیدی_شهر_مدینه_خلوتیدی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دوشنده ناقه دن هر ماه پاره یولّاردا #راه_شام_اعظمی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی