زبدةالاشعار

گینه یا فاطمه بو عالم عزاخانه سنه #فاطمیه_دلریش

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
گینه یا فاطمه بو عالم عزاخانه سنه
اولوب هر یرده گلور شیعه لر افغانه سنه
.
.
مصطفادن صورا أول طایفه کینه شعار
آچدیلار ظلم الى ائتديله سنی زار و نزار
توکدون هر شام و سحرگوز یاشی چون ابر بهار
بیت الاحزان اولوب هر گونده بو کاشانه سنه
.
.
سن کیمی کیم چکوب عالمده مصیبت شب و روز
قويمادیلا اولاسان لحظه ای راحت شب و روز
آشناییدی سیزه بیر پاره امت شب و روز
او قدر گئچمدی اولدی نئجه بیگانه سنه
.
.
دار دنیانی سنه ایلدیلر دار بلا
لحظه لحظه توکولوب اوستیوه هر بار بلا
هدف تیر جفا نقطه پرگار بلا
منشیان غم ازل یازدیلا فرمانه سنه
.
.
جمع اولوب اهل جفا قاپیوی یاندوردی سنون
سعی ائدوب ثانی قولون آخری سیندوردی سنون
بو غمون زینبیوی جاندان اوساندوردی سنون
آغلياخ قان یری وار زینب نالانه سنه
.
.
بو ستم شیعه لرین بوکدی حقیقت بئلینی
ال آچوب باغلاديلار شیر خدانین قولونی
گوردی بو صبری عمر آچدی شماتت دلینی
صعبدی بیله جفا چوخ شه مردانه سنه
.
.
اولدی بو غملی گوگول نالیه آماده گینه
دوشدی شاه شهدا کربوبلا یاده گینه
گلاخ هانسی غمه بیز شیونه فریاده گینه
ائلياخ ناله گرگ شاه شهیدانه سنه
.
.
ای سالان غملری شور عالم امکانه حسین
اوخلانان اصغری لب تشنه باتان قانه حسین
هر بلا و ستمی نوش ائلین جانه حسین
آغلاروخ واردی نفس اصغر عطشانه سنه
.
.
عشق میدانینه کیمدور قويا بو نوعی قدم
جان وئره چکميه اصلا دم شمشیریده دم
مي وحدتله يقين روز ازل ساقی غم
عشق بزمینده وئروب بیر دولی پیمانه سنه
.
.
اوندا کیم ووردیلار اود خیمه لره قوم جهول
آهو تک اولدی پراکنده چوله آل رسول
وحشتيندن چوخی سسلردی بابا زار و ملول
یوز دوتارديله قاچان وقتیده هريانه سنه
.
.
سنه یا فاطمه ظلم ایلدی بو قوم شرير
اولمادون زینب کبرا کیمی كفاره اسیر
ائتمه دیلر آدیوا خارجی ای مهر منیر
وئرمدی شمر مکان گوشه ويرانه سنه
.
.
«دلریش» أول صدقيله صدیقه کبرایه دخیل
بلکه بیرده وئره توفیق خداوند جليل
سینه زن دسته سی ایوان طلاده بو قبیل
قورالار قسمت اولا جمله نواخانه سنه
.
.
.
#فاطمیه_دلریش
#فاطمیه_شهادت
#گینه_یا_فاطمه_بو_عالم_عزاخانه_سنه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یازماقا شعری قلم بیر یاخشی عنوان آختارور #حسنیه_بیدقداری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی