تا عرشه عروج ایلدی خورشید جماران

ارتحال امام خمینی(ره)
.
زبدة الاشعار
.
?: @nohe_torki
.
کربلایی رحیم فیضی اردبیلی
.
تا عرشه عروج ایلدی خورشید جماران
قاره گیینوب، یاسه باتوب ملّت ایران
.
سَرتاسَرِ ایرانیمیزه قاره چکیلدی
گوزلردن آخوب گوزیاشی چون نم‌نمِ باران
.
گلزاریمیزی دست خزان سالدی صفادن
بو ئولکه‌ده پاییزه دونوب فصل بهاران
.
ترک ائتدی بیزی رهبریمیز نیمهٔ خرداد
دوشدی غم الیندن گئنه‌ده دللره طوفان
.
هِی نوحه دیوب سینه ویرور قاره گینلر
ئوز رهبرینون ماتمینه ایلیور افغان
.
اون میلیون عزاداری گلوب دفنینه بَهبَه…
بو عشق و بو دلداده‌گیه مات اولور انسان
.
تکدور بوتون عالَمده یقین ملّت ایران
تأیید ائلییَر بوسوزی هر صاحبِ وجدان
.
ایرانّیلارون بیعتینون یوخدی نظیری
مردانه دوروب قویمادیلار بوش قالا میدان
.
رهبرلرینه عشقیله لبّیک دیوبلر
بو بیعته عشق اهلی دییَر، بیعت ایمان
.
یاز(فیضی)که ظالیملره باش ایَمروک اصلا
چون باغلامیشوخ حیدر کرّاریله پیمان
.
تا آلنیمیزا باغلیدی سربند ابالفضل
عالَمده‌ برافراشته‌دی پرچم قرآن

#چهاردهم_خرداد
#امام_خمینی
#تا_عرشه_عروج_ایلدی_خورشید_جماران
#فیضی_اردبیلی
#ترکی
.
#زبدةالاشعار
?: @nohe_torki