ورود کاروان حضرت معصومه (س) به قم
.
زبدة الاشعار
.
: @nohe_torki
.
مرحوم غمکش
.
تا گوردولر جلالیله بیر کاروان گلور
ایرانه ساری عَزم ایلیوب میهمان گلور
.
بو کاروانی بیر خانم امّا سالوب یولا
موسی ابن جفعرین بالاسی باغریقان گلور
.
قارداشی طوسیدن اونا بیر نامه گوندروب
قلبی یانور یازوم نجه من نیمه جان گلور
.
گلدی او کاروان نچه منزل خدای من
شهر به شهر کوچه به کوچه اینان گلور
.
مأمون ظالمین خبری اولدی طوسیده
طوسه قوناق او خواهر دل مهربان گلور
.
قاصد سالوبدی تیز یولا مانع اولوبدولار
شمشیر اَلده دشمن هرزه زبان گلور
.
بو کارواندا بیلدیله مانند قارداشی
وار بیر خانم که حامی ایرانیان گلور
.
افسوس ساوه‌ده قاباقین کسدیلر اونون
بانوی شهر قم نجه بی آشیان گلور
.
قارداشلارین عم اوغلولارین ایتدیلر شهید
بیمار عشق حضرت جان ناگران گلور
.
فرمایش ایتدی بو یرون آدین دیون منه
عرض ایتدیلر که ساوه‌دی فصل خزان گلور
قم شهرینی سُراقلادی زینب تک آغلادی
عرش اَهلی یاندی خدمتینه نوحه‌خوان گلور
.
عرض ایتدیلر بو شهریله همسایه‌دور که قم
وقتی ایشیتدی بو سوزی قلبه توان گلور
.
غملی قطارینه حرکت ویردی بو خانم
شهر قُما یازوبدیلا زهرا نشان گلور
.
وقتی #قم اهلی باخبر اولدی بو مطلبه
بوشهره دُختر شه والا مکان گلور
.
یکسر گلوبدی هامّیسی پیشوازه مرد و زن
شهر قُما که عمه صاحب زمان گلور
.
ای کاش کوفه اَهلیده بیر بیر گوریدیلر
مهمان او غملی شهرینه فخر زنان گلور
.
معصومه گوردی شیعه‌نین عشق و وفاسینی
بیر عده غملیدور نجه ناله‌کُنان گلور
.
سسلولّه خاک راهیوه قرباندی اَهل قُم
لبیک یارضا دیور هر باغریقان گلور
.
آغلولا یاحسین دین احرار جُمله‌گی
پیشوازه روضه‌خوان گلوری نوحه‌خوان گلور
.
هر وقت بو غملی مثنوی آغلاتدی چوخلارون
حتما بو غملی مجلسه چوخ عاشقان گلور
.
حالون پوزولسا حضرت زهرایه آغلا چوخ
یاسه یقین واریمدی که صاحب زمان گلور
.
دردون دیسون او حضرته حتماً دوا ایدر
رحم ایلسه خدا ئوزی آرام جان گلور
.
یازدیم عریضه بیر گیجه خلوتده آغلادیم
«غمکش» گوزی باخور گوره مولا هاچان گلور
.
#حضرت_معصومه_ورود_قم
#تا_گوردولر_جلالیله_بیر_کاروان_گلور
#زمزمه_های_محرم_غمکش
#غمکش
#ترکی
.
.
#زبدةالاشعار
.
: @nohe_torki
نظر دهید