زبدةالاشعار

کوفیان منده توان ای باجی جان قویمادیلار #حسینیه_ذهنی_تبریزی

زبانحال حضرت امام حسین (ع) به حضرت زینب (س) در قتلگاه
.
.
✍️ #زبدةالاشعار ✍️
.
🆔: @nohe_torki
.
مرحوم ذهنی تبریزی
.
کوفیان منده توان ای باجی جان قویمادیلار
ئولدوروب جان کیمی قارداشیمی جان قویمادیلار
.
.
قوم باطل علناً داندی حق بر حقیمی
یوزیمه چکدی قلیج پوزدی بو گون رونقیمی
بیرق ظلم اوجالوب یخدی امان بیرقیمی
آلوب امنیتیمی امن و امان قویمادیلار
.
.
چخادوب ظلم الی شیرازه دن امنیتمی
قالمیوب بیر کسیم حفظ ایلیه حیثیتمی
دشمن ال تاپدی داغیتدی هامی جمعیتیمی
داخی بو چولده منه یاور اولان قویمادیلار
.
.
ایمدی بیر ساعت ازل قدرت تامیم واریدی
اقتداریم قوشونوم نظم نظامیم واریدی
نچه قارداش اوغول اردوی عظامیم واریدی
بئله محو ایتدیله آثار و نشان قویمادیلار
.
.
نجه صبر ایلیوم ای باجی نه نوعی دایانوم
گیتدی آرخام ایلیم الدن کیمه بس آرخالانوم
قالمیوب بیر او قدر قانیمه منده بویانوم
توکمه میش قانینی بیر پیر و جوان قویمادیلار
.
.
قارداشیم حالینی گل سن نه سوروش من نه دیوم
من تک حالون پوزولار حالینی بولسن نه دیوم
بو قدر گیتدی ابوالفضلیم الیمدن نه دیوم
بول الیمدن بو بیاباندا دوتان قویمادیلار
.
.
رسم انصافی بو لشگر آرادا گورمدیلر
نقد جان آلدیلا بیر مشگ اونا سو ویرمدیلر
منیده ئولدوروب عباسی بیر ئولدورمدیلر
جانیمی مندن آلوب روح روان قویمادیلار
.
.
دیمه بس نولدی اوزون قولاری واضح دیمرم
قولونون شرحینه ال ویرما که شرح ایلمرم
ایله نسگللی مصیبتدی دیماخ ایستمرم
بی جهت یوخسا منی قدی کمان قویمادیلار
.
.
ایله بیر وقتده یتدوم باجی قارداش یانینا
گیتمییدیم من او ساعتده اونین کاش یانینا
خنجر الده یتشوب قاتلی بیر باش یانینا
اوز وصیتلرین ایلردی بیان قویمادیلار
.
.
تا گوزوم دوشدی اونون قاتلیله عالمینه
اود ووروب جانیمه نسگللری یاندیم غمینه
یوخودی اللری تا بیر ویره خنجر دمینه
نه دیوم منده ده طاقت او زمان قویمادیلار
.
.
باخ بنی هاشم آئی نیزه بویوندا گورونور
گور خسوف ایلدی قان ایچره گینه یا گورونور
روز روشن گوزیمه لیله یلدا گورونور
بیرده من گون گورم عالمده گمان قویمادیلار
.
.
پوزولوب طرفه اساسیم قورولور اوزگه اساس
قویماز آسوده سیزی طایفه حق نشناس
ایمدی وار فرصتون آغلا دوت ابوالفضیلمه یاس
گوره جاقسان داخی یارای فغان قویمادیلار
.
.
«ذهنی» ذهنون نیه پوزقوندی پریشاندی ندن
مطلبه پرده لی عنوان دیماخ عنواندی ندن
ظلم اولاد امیه نئجه پنهاندی ندن
هیچ ظلمی او جماعت که نهان قویمادیلار
.
.

متن پیشنهادی:  قوناقوزام عزالیام اوخ آتمیون یارالیام#حسینیه_سیفی_اردبیلی

#حسینیه_ذهنی_تبریزی
#حسینیه_شهادت
#کوفیان_منده_توان_ای_باجی_جان_قویمادیلار
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی