زبانحال حضرت زهرا سلام الله علیها
..
..
#سبک_اصغر_ای_بختیمون_اولدوزی
..
..
مرحوم کریمی مراغه ای
..
..
توکمه گوز یاشوی من سنه قربان عم اوغلى
باشیمی آل دیزه جان ویروم آسان عم اوغلی
گل باشیم أوسته ای شاه مردان
ایله تلاوت زهرایه قرآن
..
..
دوغمیوب هیچ آنا من کیمی محنت کشیده
بار غمدن اولوب بو رسا قدیم خمیده
گل باشیم أوسته ای شاه مردان
ایله تلاوت زهرایه قرآن
..
..
..
پشت درده او گون گوزیاشیم مرجانه دوندی
ضرب مسماریدن سینه ده سود قانه دوندی
گل باشیم أوسته ای شاه مردان
ایله تلاوت زهرایه قرآن
..
..
ایتمدیم بیر کسه من بیان عدوان جفاسین
ویرمدیم زینبه من نشان سینم یاراسین
گل باشیم أوسته ای شاه مردان
ایله تلاوت زهرایه قرآن
..
..
سینه ده گیزلنر حسرتیم توپراق ایچینده
حیف اولا گورمدیم محسنی قونداق ایچینده
گل باشیم أوسته ای شاه مردان
ایله تلاوت زهرایه قرآن
..
..
رنج دیوارو در گیتمیوب پهلولریمدن
تازیانه یرى ایتمیوب بازولریمدن
گل باشیم أوسته ای شاه مردان
ایله تلاوت زهرایه قرآن
..
..
یوخدی سندن صورا بیرکسیم دلخسته یم من
سسله گلسون بالام زینبی جان أوستیم من
گل باشیم أوسته ای شاه مردان
ایله تلاوت زهرایه قرآن
..
..
مدرک زنده دور نقشۀ نیلی یوزیمدن
حقّیمی ایستیدم ووردیلار سیلی یوزومدن
گل باشیم أوسته ای شاه مردان
ایله تلاوت زهرایه قرآن
..
..
بو ئولومدن منه سختدور درد فراقون
قبریم أوستن شب جمعه لر کسمه ایاقون
گل باشیم أوسته ای شاه مردان
ایله تلاوت زهرایه قرآن
..
..
دوقوز ایل اولموشام سنله بو ایوده مصاحب
ایمدی گل سال یولا من قوناق سن خانه صاحب
گل باشیم أوسته ای شاه مردان
ایله تلاوت زهرایه قرآن
..
..
خسته روحیم قوشی آز قالور اوچسون قفسدن
ناخوشام جان یتوب سینمه دوشدوم نفسدن
گل باشیم أوسته ای شاه مردان
ایله تلاوت زهرایه قرآن
..
..
ای سالان حیرته طوریده نوری کلیمی
آستانونده بیر باوفا ایتدور «کریمی»
گل باشیم أوسته ای شاه مردان
ایله تلاوت زهرایه قرآن
..
..
..
#فاطمیه #کریمی_مراغه_ای #فاطمیه_شهادت #ترکی #زبدةالاشعار
نظر دهید