راه شام
زبانحال حضرت لیلا با سر فرزندش
.
.
مرحوم خوندل تبریزی
.
.
تک نه لیلانی علی عشقونده مجنون ایلدون
مین زلیخانی سر زلفونده مفتون ایلدون
.
.
شامده هر کیم باخور نوک جداده باشیوه
مات اولور دنیانی مبهوت ایلین گوز قاشیوه
هر باخان مجبور اولور احسن دیسون نقاشیوه
خدمت دین اولدی بیر اثبات بیچون ایلدون
.
.
باش دگل نوک جداده بیر مه تابان دوروب
زلفووین هر بیر تلینده قطره قطره قان دوروب
رشتۀ شبرنگده گویا على مرجان دوروب
اشکیمی زلفون دوتان قانیله گلگون ایلدون
.
.
پرده لندی آه جانسوزیم محاقه دوشدی ماه
قالموشام حیرتده تأثیرین وروب الدن نگاه
دود آهیمدور دوتوب رخساروی یا گرد راه
حالیمی آشفته زلفون تک دگرگون ایلدون
.
.
چشمۀ چشمیم آخار سدّین یخان بیر سو کیمی
قدّیمی شایسته دی غم ایتسه خم ابرو کیمی
یک نه من آشفته حال اولدوم علی گیسو کیمی
منّت عشقونده بیر دنیانی مرهون ایلدون
.
.
پرده پرده باغلیوبدور عارضون هر چند گر
شخص اوّل سن وجاهتده اوغول یکتا و فرد
دوشموشم باشون دالنجا اولموشام صحرا نورد
هر گورن سویلر على لیلانی مجنون ایلدون
.
.
بسته مرغ دل على زلفونده بیر امیده دور
حسن رویون گرچه چوخ قابل بیله تمجیده دور
نرگس مستون ولی بختیم کیمی شوریده دور
گردش چشمونله لیلانی جگر خون ایلدون
.
.
دانۀ خالونله مین مرغ گوگل تسخیر اولوب
صیت حسنون بسکه دللرده على تقریر اولوب
تار زلفون اهل شامین بوینونا زنجیر اولوب
حسن روزافزونه مجذوبون چوخ افزون ایلدون
.
.
گر چه لیلایم ولی سر گشته مجنونم اؤزوم
قادرم مندن على سر مشق آلا صبره دؤزوم
بیر خصوصی مقصدیم وار ابر تک آغلار گوزوم
اشگیمی عشقونده رشک رود جیحون ایلدون
.
.
ایتمرم عمریمده هرگز سرنوشتیمدن گله
آغلارام تا اشکمیله سوز قلبیم اسگیله
ایسلادام توپراقی پای ناقه اگلشسون گله
بی سبب فکرایتمه بو مجذوبی محزون ایلدون
.
.
هر بیری بیر رشته ده خوندل یازار اهل کلام
سن دولان پرگار تک اطراف عشقیله مدام
آغلا یاز کشف محبّتده چوخ ایله اهتمام
قصد خدمتدی نه جمع درّ مکنون ایلدون
.
.
#راه_شام #خوندل_تبریزی #ترکی #زبدةالاشعار #اکبریه_شهادت
نظر دهید