رجز شهادت رسول خدا
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
جان وئرن زمانینده حضرت رسول الله
دوره سینه جمع اولدی عترت رسول الله
.
.
شدت مرضدن گه ضعف ائدوب گلور حاله
مجتبی حسینیله آغلیور بو احواله
بیر طرف آچوب باشین فاطمه ائدر ناله
بیر طرف ولی الله حجت رسول الله
.
.
تاپشوروب ایکی نکته خلقه ایلدی تکرار
امت ایچره لازمدور محترم ساییلسونلار
بیر مقام عظمای اهل بیت ذی مقدار
بیرده حکم آیات رحمت رسول الله
.
.
قیلدی چون نبی رحلت حقی ائتدیلر انکار
قوردیلار سلیمانه حیله اهرمن کردار
هر ایکی امانتله گور نئجه ائدوب رفتار
آدلارین قویان اسلام امت رسول الله
.
.
نص حکم قرآنه ترسه ووردولر معنا
امر و نهی و تفسیره پرده چکدیلر یکجا
اهل بیت اطهاره آچدی ظلم الین اعد
ظلمدن دوتوب لرزه تربت رسول الله
.
.
مرتضی و زهرایه نوع نوع غم یتدی
بیر قلم او غم لردن مجتبایه هم یتدی
چون حسینه دشمندن نوبت ستم یتدی
آرتدی خلد اعلاده محنت رسول الله
.
.
بوی غم گله حاشا گلستان جنتدن
غم لباسی حوریلر گیدی لر بو محنتدن
بو وفای امتدن بو جفای امتدن
خانه ی عزا اولدی جنت رسول الله
.
.
کرید مناسینه گلدی یوم عاشورا
تاپدی قانه آغشته أوغلونی خانم زهرا
گوردی مقتلین اولموش مثل قانلی بیر دریا
سویلدی حسینیم وای بضعت رسول الله
.
.
سرّ خون پاکوندور رمزى لیل أسرانون
خلق اوچون دی قُربوندن قُربی حىّ یکتانون
نحر اولان بوغازوندن سو کیمی آخان قانون
اولماسیدی اولمازدی بعثت رسول الله
.
.
شمر ائتمیوب پروا جدّوین خداسیندن
باشیوی کسوب دالدان نصب ائدوب جداسیندن
امت جفاکارون شدت جفاسیندن
آرتدی حق حضورینده خجلت رسول الله
.
.
ای حسینون اللهی قیل کرم عنایتدن
«یحیوینی» سیر ایله سفرۀ کرامتدن
نعمت فراوان وئر گنج بی نهایتدن
ائتمه هئچ کسه محتاج حرمت رسول الله
.
.
#پیامبراسلام_یحیوی_اردبیلی
#پیامبراسلام_شهادت
#جان_وئرن_زمانینده_حضرت_رسول_الله
#اسرار_عاشورا
#ترکی
.
✍️ #زبدةالاشعار ✍️
.
🆔: @nohe_torki
نظر دهید