زبانحال حضرت زینب سلام الله علیها در روز اربعین
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک … #سبک_اذن_ویر_یارب_گله …
.
مرحوم سعدی زمان
.
تیر غم قارداش حسین جاندان گیچوردور زینبون
قبرون اوسته قزلارون ساندان گیچوردور زینبون
.
.
سینوی اوخلار بو چولده دوندرن گون گلشنه
قیزلارون تاپشوردون اوز آخر وداعونده منه
منده چوللردن یغوب گتدیم بو توزلی مدفنه
گورنه بلبل لر گلستاندان گیچوردور زینبون
.
.
گرچه بو مدتده غمدن زینبون دینجلمدی
باغرینی هیچ تیر غم اما بو غم تک دلمدی
گلدیلر بکسر گیدنلر بر رقیه گلمدی
خجلتندن گوز یاشین قاندان گیچوردور زینبون
.
.
یادیمه دوشدوقجا شامین گوشه ویرانه سی
آز قالور قارداش اولام اندوه و غم دیوانه سی
لاله تک لبریز اولور قاندان گوگل پیمانه سی
دُرّاشگین رنگ مرجاندان گیچوردور زینبون
.
.
شامده ای ناخدای کشتی دین مبین
زورق عمر رقیه اولدی غمدن گل نشین
ویردی جان ویرانه کنجنده او طفل نازنین
گوز یاشین وار حقی طوفاندان گیچوردور زینبون
.
.
نوش ایدن گون سن شهادت جامی بیز اولدوخ اسیر
اهل بیتون سویدولار بر نحویله قوم شریر
ایمدیده برگ خزان تک قورخودان قیزلاراسیر
برق آهین جسم لرزندان گیچوردور زینبون
.
.
بو سفرده سندن آیرلدیم بردار بر گیجه
بُلمدی برکس_اوزون بلدون صباح ایتدیم نجه
آیریلیق تیز یتدی باشه قالمادی وصلون گیجه
صبح وصلون شام هجراندان گیچوردور زینبون
.
.
کوفه وارد اولان ساعت خواتین حجاز
باجوی قارداش یارالی باشون ایتدی پیشواز
کوفده هر ظلم ایدوبلر کوفیان حیله ساز
تک به تک فکر پریشاندان گیچوردور زینبون
.
.
قانلو باشون نیزه باشندا باتوب گوردوم کوله
غصه دن بی خانمان زینب یاخون اولدی اله
بر مسلمان اولمادی بو مطلبین سرین بله
وار نه علت ناله کیواندن گیچوردور زینبون
.
.
باغریمی شامین جفاسی لاله تک قان ایلدی
ظلمده گوردون یهودیلر نه طغیان ایلدی
هم باشون هو اهل بیتون سنگ باران ایلدی
باخمادی گوز یاشی باراندان گیچوردور زینبون
.
.
هنده نین اوغلی مرتب ایلدی بزم شراب
ظلم اودیله عترت اطهاردی قیلدی دلکباب
ایله اثبات ایلدیم کفرین_اوزی اولدی مجاب
گوردی استدلال قرآن گیچوردور زینبون
.
.
ای #حسینی باش ویروب سندن اگر چه چوخ خطا
گیچماقا جسر صراطی یوخ سنه باب رجا
ناامید اولما ولی زهرا قیزی ایلر عطا
دار خلده نارنیراندان گیچوردور زینبون
.
.
.
#اربعین_سعدی_زمان
#تیره_غم_قارداش_حسین_جاندان_گیچور_دور_زینبون
#کنزالحسینی2 ص 336 ( کلیات ص 554 )
#ترکی
.
✍️ #زبدةالاشعار ✍️
.
🆔: @nohe_torki
نظر دهید