زبدةالاشعار

ثامن الائمه ضامن غریبان #رضویه_شاجری_زنجانی

زبانحال زائر حضرت امام رضا (ع)
.
✍️زبدة الاشعار✍️
.
?: @nohe_torki
.
حاج رحمان شاجری زنجانی
.
سبک: دولدوروب جهانی …
.
ثامن الائمه ضامن غریبان
برج معرفتده اختر درخشان
منبع سخا سنسن
دردلره دوا سنسن
یا امام هشتم۲
.
.
سائلوخ قاپوندا گلمیشوق نوایه
احتیاجیمیز وار سن کیمی آقایه
یوز دوتار گدالر صاحب عطایه
بارگاهیوه بیز گلمشوخ پریشان
بوردا میزبان سنسن/یاربی کسان سنسن
یاامام هشتم
.
.
کیم جهاندا اولسا محنته گرفتار
سن کیمی طبیبه دردین ایلراظهار
ای پناه عالم هر غریبه غمخوار
دردیمیز اورکده چوخدی ایله درمان
سن طبیب حاذق سن/سبط پاک صادق سن
یاامام هشتم
.
.
غصه دن اورکلر دوندی لخته قانه
علتی اودور که گلمیشوخ فغانه
گلمیشوق قویاق یوز خاک آستانه
باب رحمتوندن ایله لطف واحسان
صاحب کرم سنسن/زینت ارم سنسن
یاامام هشتم
.
.
تربت مزارون توتیادی شاها
خاک بارگاهون کیمیادی شاها
مرقدون مطاف انبیادی شاها
جبرئیل اولوبدی درگهونده دربان
حجت خدا سنسن/صاحب عطا سنسن
یاامام هشتم
.
.
عرشیدن گوزلدی رتبه ده مزارون
یاد ائدوب ملالون اولّوخ اشکبارون
اونداکی اوجالدی عرشه آه و زارون
سسلدون اوغول گل قلبیم اولدی شان شان
زهرکینیله یاندون/اود دوتوب الولاندون
یاامام هشتم
.
.
#رضویه_شهادت
.
باشون اوسته گلدی مضطرب جوانون
گوردی حال زارون اولدی نوحه خوانون
فرش اولوب یر اوسته جسم ناتوانون
باشیوی دیز اوسته آلدی دیده گریان
گلدی دلدن افغانه/آغلیوب یانا یانه
یاامام هشتم
.
.
جان وئرن زماندا کاش ئولیدی باجون
آغلیوب غمینده باش یولیدی باجون
گل کیمی او دمده کاش سولیدی باجون
حیف اولا وئروبدور غربت ئولکه ده جان
غصه دن گلوب درده/سسلنردی امداده
یاامام هشتم
.
.
عکس بوقضایه شامه سالدی غوغا
اکبرین رقیه گوزلیوبدی اوردا
جان وئرنده لکن اولمادی یانوندا
یوللارا باخوبدی والِه و پریشان
هی گلوبدی افغانه/جان وئروب غریبانه
یاامام هشتم
.
.
عمه سی آلوبدی نازیله قوجاقه
حسرتیله قویدی تا دوداق دوداقه
یاندی نار شمع وغربت فراقه
گوردی جان وئروبدی اولدی سینه سوزان
آغلادوب احبانی/جنت ایچره زهرانی
یاامام هشتم
.
.
زینبون فغانی اوج ائدوب سمایه
جمع اولوب حرملر آلدیلار آرایه
اوخشاما دیوبلر گلدیلر نوایه
اشگ غم عذاره توکدولر پریشان
بحر دردوغم داشدی/خردا قیزلار آغلاشدی
یاامام هشتم
.

.
.
.
#سبک_دولدوروب_جهانی
.
.
#رضویه_مدح
#رضویه_شهادت
#ثامن_الائمه_ضامن_غریبان
#شاجری_زنجانی
#ترکی
.
✍️ #زبدةالاشعار ✍️
.
?: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...