خطاب بارض اقدسی کربلا
.
.
مرحوم عاصی تبریزی
.
.
ای کربلا فخر ائت سنه بیر محترم مهمان گلور
اوز خانمانین ترک ائدوب سلطان مظلومان گلور
.
.
ناقص قویوب اوز حجّینی أول حجّت پروردگار
ذبح عظیمون سنده تا تفسیرین ائتسون آشکار
واردور یری ائتسن اگر بیت خدایه افتخار
یتمیش ایکی جان تشنه لب سنده اولا قربان گلور
.
.
برج وفایه هر بیری بیر نیّر تابنده دور
ساخلا اماندور حرمتین چون حرمته زیبنده دور
آخر بولار هر تک تکی حقّه موّحد بنده دور
گوستر ماقا حق کلمه سین آئینۀ رحمان گلور
.
.
ای کربلا واردور یری دورسان مقابل طوریله
سن بولموسن کیمدور گلن دلده اولان منظوریله
ائیلر احاطه اول یری بیر گون ائله بیر نوریله
موسی او نورون آردیجه حیران و سرگردان گلور
.
.
بولفظ عاشورا اوگون حق انبیاء ایچره سالوب
بیرلفظ نوح و آدم و موسى الیندن تاب آلوب
بولمولّه عاشورا ندور بو سرّ غم مخفی قالوب
سنده ظهوره گون کیمی اول نکتۀ پنهان گلور
.
.
بیر انجمن تشکیل ائدر سنده حسین بن علی
تا اولسون اهل عالمه بو لفظ عاشورا جلی
شرحینده ائیلر اکتفا بیر جفت ابوالفضلون الی
سایر شهیدون حالینه بو ایکی ال میزان گلور
.
.
سنده اوگون تقسیم اولور اهل حقیقتله مجاز
بیر عدّه ارباب وفا باشه یغار شاه حجاز
صدق دلیله سربه سر ائیللّه مرگی پیشواز
باخمازلا هر بیر سمتیدن خنجر گلور، پیکان گلور
.
.
هر نوجوان سنده او گون بیر قوّت دل گوسترور
طغرای عشقی مقتل و مقتول و قاتل گوسترور
شبه نبی اکبر ولی بیر عشق کامل گوسترور
جانان یانندا خدمتی شایسته و شایان گلور
.
.
بیر دسته ثکلا شوقیله اؤز نوجوانندن گئچر
قاسم آناسی قاسمه بیر خلعت زیبا بیچر
آلتی آیلیق اصغر سو دیر، اولماز سوسوز قانین ایچر
سودّن سودان شیرین اونا ای کربلا بو قان گلور
.
.
گورجاق او عشقین رتبه سین محبوب حبیبیندن دویار
رخت حیاتی شاه دین بیر نوعلیه تندن سویار
زینب کیمی بیر باجنى عمرونجه سرگردان قویار
باخماز دمادم قلبینه سوز غم هجران گلور
.
.
بو امر عاشوراده وار چون زینبینده شرکتی
معناسینی تکمیل ائدر آخرده زینب همّتی
باشه یغار قارداشی تک بیر جمع باشسیز عترتی
قید اسارت طعنۀ دشمن اونا آسان گلور
.
.
اوز عزّتندن ال چکر بو زینب عصمت مآب
قولّاری باغلی کوفه ده قلبینده بیحد اضطراب
تشکیل کفری محو ائدر بیر نوع بو علیا جناب
احسن صداسی جانب حقدن اونا هر آن گلور
.
.
شاها گئجه گوندوز ائدر عاصی او حالی آرزو
اُول آستانه سورته یوز، کسب ائیلیه بیر آبرو
بو آبرو تا ائیلیه قلبی جراحاتین رُفو
لطف ائیله سن بو فیض اَله بو نیمه شعبان گلور
.
#ورود_کربلا #عاصی_تبریزی #ترکی
نظر دهید