ثمر نخل گرانمایۀ طاهادی جواد #جوادیه_هدایت_تبریزی

مدح و شهادت حضرت امام جواد علیه السلام
.
.
.
محمد هدایتی
.
ثمر نخل گرانمایۀ طاهادی جواد
طایر تیز پر عرش معلادی جواد
.
علم و حلم و ادب و معرفت و لطف و کرم
بیچیلیب قامت زیباسینه مولادی جواد
.
بو خطیبه خوش اولار عرشده منبر قورولا
انبیاء حکمتینه واقف و دارادی جواد
.
بو سخنور دانیشاندا لال اولار اهل سخن
منطقی عالیدی برهانیده اعلادی جواد
.
سائلین رد ایلیوب شبهه لی پرسشلرینی
مدعی علمده گر قطره دی ، دریادی جواد
.
جن و انس و ملکین رهبر ارزنده سیدی
عرشده سیر ایلین روح مسیحادی جواد
.
لطف حقدن گیوب اندامه لباس شرفی
جنتی زینت ایدن شاخۀ طوبادی جواد
.
عرشۀ منبر حکمتدی اونون جایگهی
صاحب منزلت و حسن و سجایادی جواد
.
حکمتین درسینی گهواره ده باشه یتوروب
مهدده نطقه گلن سوز بولن عیسادی جواد
.
کرسی فضل و امامتده کی فرزانه دی او
عیبده ، نقصده ، علتده مبرادی جواد
.
بخشش و جود و سخا اوندان آلوب قیمتینی
سائلی راضی ایدن سرور و آقادی جواد
.
عرشدن فرشه اودور واسطۀ خلق و خدا
شاه اقلیم وفا اسوۀ اعلادی جواد
.
اونا دوران طفولیت امامت یتیشیب
همدم عیسی و هم مشرب یحیادی جواد
.
باشدا عمامه سی سبقت آپاران تاج لره
حاکم مملکت قلب احبادی جواد
.
دانش و صلح و صفا و شرف و مهر و کمال
جلوه پردازدی اوندا ، نه دل آرادی جواد
.
منطق مرتضوی منطقینون منطبقی
طینتی منطبق طینت زهرادی جواد
.
گل خوشبوی رضا باغ امامت گلودی
زینت باغ ارم نوگل زیبادی جواد
.
احسن احسن او کمالاته او قد قامتینه
یوسف عشقدی زیبا و فریبادی جواد
.
عشق اونون حسنونه عاشق اولا گر عیب ایلمه
هیکل عشقدی ، عشقیله محنادی جواد
.
گون کیمی سر اناالحق سوزی روشندی اونا
عارف سر منایا و تمنادی جواد
.
لفظ ایمان اونون اعمالی ئیله شرح اولونوب
ازهد و اورع و تندیسۀ تقوادی جواد
.
گوزی گوزلر گوزلی سوزلری سوزلر گوزلی
صاحب علم یقین منطق شیوادی جواد
.
پیرلر پیردی پیرایه سیدی علم لدن
سنیده گر چه شباب عالمی برنادی جواد
.
بیر به بیر غالب اولان بحث ده علامه لره
مکتب معرفتین عالم و استادی جواد
.
ساقی میکدۀ عشق و وله ، پیر خرد
مست ایدن ساغریله زمرۀ آزادی جواد
.
شربت لعلینه شیرین دهنان مشتریدی
تشنه لیق دردینه درماندی مداوادی جواد
.
حسنونون شعشعه سی سبقت آلان مهر و مهه
عالمی روشن ایدن گوندن هویدادی جواد
.
ویر خبر خضرلره گلسین اونون مکتبینه
گورلر علمده نه عالم والادی جواد
.
گل یوزی گل دوداقی گل کیمی خندان اولالی
ایله بیل طرفه گل جنت الاعلادی جواد
.
گلودی عمروده حیف اولسون اولوب گل کیمی آز
صید اولوب زهریله گوردی ئوزی صیادی جواد
.
ئوز عیالی ئوزونه زهر ویروب پوزدی حالین
درک ایدوب یاندی دل و سینه و اکبادی جواد
.
دیدی یاندی ئورگیم کیمدی منه سو گتوره
بیقرارم ، یانیرام گر چه شکیبادی جواد
.
قلمی ساخلا #هدایت توکولور دفتره اود
عید میلادیدی مسرور و مصفادی جواد
.
#جوادیه_مدح
#جوادیه_میلادیه
#جوادیه_شهادت
#ثمر_نخل_گرانمایه_طاهادی_جواد
#هدایت_تبریزی
#ترکی
.