زبانحال خانم زینب (س) سر نعش امام حسین (ع) هنگام خروج از کربلا
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور … 7 سبک
مشابه
.
مرحوم عاصی تبریزی
.
دور ای نهر فرات اوسته وئرن لب تشنه جان قارداش
کفن گون پرتوی توپراق حنوطی غسلی قان قارداش
.
.
منیم بو اشگ دیده م تک حسین نهر فرات آخدی
سوسوزلوق آتشی اکبادون اما یاندروب یاخدی
وئرنده جان گوزون آخر سووا حسرتله چوخ باخدی
ندن قان اولمادی اشگیم کیمی آب روان قارداش
.
.
بویورموش بو سوزی جدّیم پیمبر هر مسلمانه
نشان وئرسونله سو ذبح ایلین موقعده قربانه
آدین مسلم قویانلار باخمیوب هرگز او فرمانه
سنی لب تشنه ذبح ائلوب حیاسیز کوفیان قارداش
.
.
بولور شرح پیمبرده بو حکمی عالی و دانی
کفن اوز رختیدور هر بیر شهیدین غسلی اوز قانی
مناده کیم گوروب بو نحویله سویسونلا قربانی
بیر اوزگه طرزیله سویموش سنی بو شامیان قارداش
.
.
یوخومدی معجریم ایلوم کفن بو پیکر عوره
اورک قانه دونر باخدوقجا من بو صدر مکسوره
ولیّ ِ دم ئوزی اللهیدور بو وتر موتوره
آلار بو قانی آخرده خدای لامکان قارداش
.
.
قالوب عریان قوم اوستونده یارالی پیکرون قارداش
کسوب هانسی ستم پیشه هر ایکی اللرون قارداش
سنه قربان اولیدی زینب غم پرورون قارداش
تعجّبدور که ساغدور ئولموری بو ناتوان قارداش
.
.
بو رسم شرعیدور قربان کسوب ایللّه اوچ قسمت
سنی دورت حصّه اما ائلیوب بو قوم بد فطرت
باشون ذبح ایلین خنجر دمنده چوخ ویروب زحمت
بوغازوندا نئچه خنجر یری واردور نشان قارداش
.
.
سنی بیر حالته قارداش سالوبدور رحمسیز دشمن
یری وار جان ویرنجه آغلیام هر لحظه هر آن من
کسوبدور بیر اوزوکدن اوتری بی انصاف اهریمن
او خوردا بارماقیندا ای سلیمان زمان قارداش
.
.
آچوبدور پیکرونده یاره لر چوخ قیرمیزی گوللر
چاتوبدور باش باشا سینونده اوخلار سُنبوله بنزر
منیمده قوللاریمدا باش وئروبدور یاس و نیلوفر
وئروب قارداش باجی تشکیل عجب بیرگلستان قارداش
.
.
عربده رسمیدور اولموش ازل گوندن بئله مرسوم
چکلّه قبرینه قاره بیری مقتول اولا مظلوم
هله دفن اولمویوب نعشون سنون ای بیکس و مغموم
چکوب قان نعشون اوسته پرده ای مقتول اولان قارداش
.
.
بو مظلوم اولماقون اعلان ائدوب دنیایه قاندوررام
یانیمجا قرخادین قاره گین قارداش دولاندیررام
شرار آهمیله کائناتی جمله یاندیررام
هامی بولسون آلینموبدور قالوب یرده بو قان قارداش
.
.
حسین بیر سمتیده لیلا علی اکبر دیر آغلار
رباب اصغر دِیَر بیر یاندا گوز یاشین یوزه باغلار
سکینه آتشین آهیله قلب عالمی داغلار
دوتوب بو دشت پر شوری نوای بانوان قارداش
.
.
قطاریم یوللانور شامه منی دور سرفراز ایله
یولا سال چوخ غمیم وار آز منه ای شاه ناز ایله
مخالف رغمنه «عاصینی» محمودیم ایاز ایله
یتشسون عزّته ذلّتدن ای شاه جهان قارداش
.
.
.
#کوچ_کربلا #عاصی_تبریزی
#دور_ای_نهر_فرات_اوسته_وئرن_لب_تشنه_جان_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید