اربعین
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم …
.
مرحوم شأنی تبریزی
.
دور سفردن زینب بی خانمان گلدی حسین
بار غمدن قامت سروی کمان گلدی حسنین
.
.
بو منیم طوریمدی بیله جلوه ایلر حسن یار
یا سنون قبروند نوریله دولوبدور بو دیار
بو عیالوندور توکولدی ناقه دن بی اختیار
یا زمینه کوکب هفت آسمان گلدی حسین
.
.
آیریلیق دردی اسارت غصه سی ظلم سپاه
تازیانه زحمتی آجلیق سوسوزلوق رنج راه
بی پناه اطفالون آخر قبریوه گتدی پناه
تاپدی بو بی امن لر دارالامان گلدی حسین
.
.
وار یادوندا سسلدیم زینب گیدور قارداش اویان
گور باجون سویماز سنون کهنه لباسینده سویان
نه تاپولدی بیر کفن نه دفن ایدوب قبره قویان
نه بیر ئوزگه ساتره منده گمان گلدی حسین
.
.
باشون آردینجا باجون شامه گیدوب بیر باش گلوب
یاد ایدوب خولی ایوین گوزدن توکوب قان یاش گلوب
نه بو دنیایه بیله بیر میزبان قارداش گلوب
نه جهانه سن کیمی بیر میهمان گلدی حسین
.
.
گوردی زینب طعنۀ قوم شراری کوفه ده
گزدی هر بازاری هر بیر رهگذاری کوفه ده
منهدم اولدی او گون صبریم حصاری کوفه ده
گوز یاشیم رخساره چون سیل روان گلدی حسین
.
.
ایستدیم اولسون زنان کوفیه مطلب عیان
باخمادیم صاق و صولا مَحملدن ای شاه جهان
سس اوجالدی هایهو قؤزاندی گوردوم ناگهان
ایلوب آهنگ تماشا مردمان گلدی حسین
.
.
دور نجه گور دیده گریان قبرون اوسته گلموشم
گورموشم چوخ رنج و زحمت زار و خسته گلموشم
گوردیلر شام اهلی شامه دلشکسته گلموشم
پیشوازه کف زنان و شادمان گلدی حسین
.
.
.
گوردیلر ویرانه ده اولماز نوادن اجتناب
صبحه تک گوزدن حرم لر توکدی درّ اشگ ناب
صبح اولوب شهزاده لر دیدارینه الده طناب
ازدحامیله غلامان خادمان گلدی حسین
.
.
نه غلامان جفاجو هم شقیّ و هم شریر
نه اسیران ملک خو هم غریب و هم اسیر
باغلانوب بازویه بازو هم صغیر وهم کبیر
رشتۀ سوز چکدی شرح ریسمان گلدی حسین
.
.
چکدیلر نه ذلتیله مجلسه الله بولور
داخل اولدوم مجلسه گوردوم یزید دون گولور
آغزینا هر سوز گلور شرم ایلمور حقدن سولور
سوزلری امّا منه چوخ چوخ گران گلدی حسین
.
.
تا یزید آلدى اله غیظیله چوب خیزران
ال آتوب باشه سکینه باشلادی داد و فغان
بانوی ملک حجازی چون گوروب ناله کنان
نالیه زهراده جنّتده عیان گلدی حسین
.
.
#اربعین_شانی_تبریزی
#دور_سفردن_زینب_بی_خانمان_گلدی_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید