عید غدیر و حب مولا علی (علیه السلام)
.
✍️ #زبدةالاشعار ✍️
.
🆔: @nohe_torki
.
معروفان اهری
.
جام ولانی نوش ایدن حیدری مقتدا بیلر
حق یولونی دوتوب گئدن حیدری مقتدا بیلر
نفس پلیدی ئولدورن حیدری مقتدا بیلر
شیعه تعصبون چکن حیدری مقتدا بیلر
یعنی حلال صود امن حیدری مقتدا بیلر
.
.
دار فناده هر کسون حیدره اعتقادی وار
حشرده اهلبیتیلن محشری وار معادی وار
شیعه صفینده دورماقا مدرک استنادی وار
چشم خدا علیده دی شیعیه اعتمادی وار
آل علی شفاعتی فکر ائلمه خطادی وار
فیض شفاعت ایستین حیدری مقتدا بیلر
.
.
کیم تانیوبدی حیدری محرم سر یار اولار
میکده وصالیدن ساغر آلیب خمار اولار
چشم نگاره دل وئرن دلبره جان نثار اولار
روز جزاده نیک و بد حیدریلن عیار اولار
کیم دانا حق حیدری فاطمه جانی خوار اولار
دام محبته دوشن حیدری مقتدا بیلر
.
.
حیدری مقتدا بیلن شاه ولا یولون گئدر
دار فنادن ال أوزر ملک بقا یولون گئدر
خلقه تمسک ایلمز حبل خدا یولون گئدر
دست خدادی مرتضی جود و سخا یولون گئدر
نقشه خلقت الده وار ارض و سما یولون گئدر
ماه منورین گؤرن حیدری مقتدا بیلر
.
.
عرشه گئدنده مرتضی سسلدی یا علی مدد
فاطمه روز پر بلا سسلدی یا علی مدد
صلح ائلیینده مجتبی سسلدی یا علی مدد
عرصه ده شاه کربلا سسلدی یا علی مدد
حنجر کل انبیا سسلدی یا علی مدد
.
.
چشم بصیرتیله گل واقعه غدیره باخ
محنت روزگاری آت لحظه دلپذیره باخ
شیعه سرفرازه باخ دشمن سر به زیره باخ
بطن غدیره قوی قدم دلبر خوش ضمیره باخ
دولت اقتدارده رهبره باخ وزیره باخ
.
.
تا که تاپوبدی خاتمه موسم حجة الوداع
فارغ اولوب مطافیدن روح بلند مصطفی
ایستدی ختم الانبیا مرکبینه سوار اولا
قافله محمدی ملک حجازه یول سالا
باخدی وقار دلبره سسلدی یا علی اخا
راه خداده یول گئدن حیدری مقتدا بیلر
.
.
دین خدایه امتی دعوت ائدن زماندا من
دعوتیمه بلی دیدون دعوتیم ایلدیم علن
بو نچه ئیلده گلموسن راه وفاده منله سن
سون سفریمدی یا علی اول منه یار خوش سخن
ایستیورم سؤزون دوزی سؤزلریمه بها وئرن
.
.
آری سؤزون دوزون دیین حیدری مقتدا بیلر
بار رحیل باغلانوب صف صفه دوردی حاجیان
مست لقای کبریا پیر و جوان و نوجوان
منتظر اجازه دور ناقه لره سوار اولان
اولدی رسول اکرمه ملحق امیر مؤمنان
امر ائلدی نبی گئدون دوشدی یولا او کاروان
یعنی که حق یولون سوون حیدری مقتدا بیلر
.
.
بیر نچه منزل ایلدی طی طریق قافله
تا که چاتوب غدیر خم اول ملکوتی منزله
روح الامین نزول ائدوب گلدی بو نوعیلن دیله
خالق عالم ایستیور خلق خدا سؤزون بیله
امت دینه یا نبی حیدری مقتدا ائله
غیر خدانی بیلمین حیدری مقتدا بیلر
.
.
امر خدانی مصطفی در دم اجابت ایلدی
منبره چخدی وقفه سیز امته صحبت ایلدی
خلق خدانی دعوت عقد اخوت ایلدی
بعضی سؤزونده حیدره باخدی اشارت ایلدی
سسلدی امتیم٬ سیزه خالق عنایت ایلدی
سؤزلریمه بها وئرن حیدری مقتدا بیلر
.
.
ای منیم همسفرلریم لطف و صفا علیده دی
یار و عوان و امتیم روح سخا علیده دی
سعی و صفادی مرتضی گنج وفا علیده دی
امر خدادی عرض ائدم چشم خدا علیده دی
عهدوزه ایلیون وفا فیض ولا علیده دی
عشق و وفانی بیلدیرن حیدری مقتدا بیلر
.
.
ای آدین احمدی قویان حیدره دل وئرون بو گون
سنگ کدورتی آتون بیربیره گل وئرون بو گون
پاک ائلیون ئورکلری نور ازل وئرون بو گون
دست خدایه بی ریا دست عمل وئرون بو گون
یاخشینی انتخاب ائدون بیعته ال وئرون بوگون
لطف خدایه گؤز تیکن حیدری مقتدا بیلر
.
.
من سند نبوتی دست خدادن آلمیشام
نور نگاری گؤرموشم غار حراده قالمیشام
خالقیمه کیچیلمیشم خلق آرا چوخ اوجالمیشام
نشر حقیقت ائتمیشم عمر سوروب قوجالمیشام
حج مطاف آخری یول بو منایه سالمیشام
بو سؤزه شکه دوشمین حیدری مقتدا بیلر
.
.
ئیری اوچ ئیلدی عمریمی وقف حقیفت ائتمیشم
طالب حق اولانلاری حقه هدایت ائتمیشم
هر نه خدا رضاسیدور سیزلره صحبت ایتمیشم
امت پاک و اطهریم هامموزا رافت ائتمیشم
دشمنیم اولسادا اگر مهر و محبت ائتمیشم
باغ صفاده گل درن حیدری مقتدا بیلر
.
.
ایندی قولاق وئرون منه ئوز سؤزومی بیان ائدیم
راز بو روز اعظمون اوستون آچوب عیان ائدیم
دینیمی کامل ایلیوم امتی نکته دان ائدیم
فرد امین و لایقی سیزلره حکمرا ن ائدم
حق دانیشان عم اوغلومی گلشنه باغبان ائدیم
احمدی مقتدا بیلن حیدری مقتدا بیلر
.
.
چوخلاری بیعت اللرین وئردیله دست حیدره
سسلدیلر علی علی حرمت ائدوبله رهبره
بعد پیمبر خدا ایش یئتیشوبدی بیر یئره
خانه نشین اولوب علی لعنت اولا او اللره
باغلادی حیدرین قولون سالدی شراره دللره
حقی طنابه باغلیان ! حیدری مقتدا بیلر ؟؟؟؟؟
..
.
#غدیریه_معروف_اهری
#حیدریه
#جام ولانی_نوش_ایدن_حیدری_مقتدا_بیلر
#ترکی
.
✍️ #زبدةالاشعار ✍️
.
🆔: @nohe_torki
نظر دهید