زبانحال امام (ع) در سوگ برادر به خواهرش
.
.
محیر اردبیلی
.
.
گل داده آنام باجی تفاقیم بهم اولدی
بیرال که هامی الدن اوجیدی قلم اولدی
.
.
ایله اوزیوی کل اموراته مراقب
دل ملکنه قویما ویره یوز سیل مصائب
بوندان صورا سنسن بویاتان پرچمه صاحب
مشکل سنون هر درد غموندن بوغم اولدی
.
.
سعی ایله بلا ایلمسین روحوی خسته
قویما اولا آئینۀ آمالی شکسته
بوپرچم اسلامیدی ساخلا گوزون اوسته
زهرا گوره تا زینبی صاحب علم اولدی
.
.
عباسیم او گونکه آنادان تاپدی ولادت
اؤپدی قولونی گوردوم آتام شاه ولایت
گلسین هانی أول مظهر حق کان کرامت
گورسون که نجه اؤپدیگی قولار قلم اولدی
.
.
اعلان ایله بو غم خبرین آل ترابه
قویما دوشه چوخ خورداجا قیزلار تب و تابه
ویر بیرده بو قانه بویانان مشگی ربابه
شاید قوریان مشگیده بیر ذرّه نم اولدی
.
.
شرح ایت بالاجا قیزلارا بیر بیر بو پیامی
قویما آلالار اللرینه بیرده سو جامی
هر قیز دئسه بس نولدی او سردار گرامی
کاشانۀ امّیدی دینن منهدم اولدی
.
.
یالواردیم اخا منله گیدک خیمه سرایه
تک گیتسم اگر نسگل اولار آل عبایه
دور بیدقون آچ سال باشیمون اوستنه سایه
باخ قامتیمه گور نجه هجرونده خم اولدی
.
.
دگدی او زمان بیربیرینه قانلی دوداقلار
تیز اوپدوم اوزیندن ایله سین دردینی اظهار
آهسته دیدی بو سوزی ای سیّد ابرار
بو نوکر دین خدمتی عفو ایله کم اولدی
.
.
کیم گوردی اونون مثلنی طایفامدا ایلیمده
حسرتله چکلدی غمینین داغی دلیمده
اخیامه گلینجه بیرالیم قالدى بلیمده
جاری یوزیمه گوز یاشیم هر بیر قدم اولدی
.
.
آلجاق سسینی قارداشمون خیمه سراده
غرق اولدی امیدیم گمیسی بحر بلاده
سوز یوخ یخلان وقته چاقوردی منی داده
اوّلده گلن دادینه اما ننم اولدی
.
.
چوخ سعی ایلدی مشگنی اخیامه یتورسون
محنت یاراسین یارهلی دللرده بتورسون
بیر گوز ایکی قول ویردی سیزه تاسو گتورسون
سیزدن گنه شرمنده او صاحب کرم اولدی
.
.
آگاهیدی مخیمده کی سو کشمکشیندن
مبهوت ایلدى عالمی عالی روشیندن
آلدی سوئی سو ایچمدی یاندی عطشیندن
وجدانی او سردار رشیده حکم اولدی
.
.
مین لرجه اگر خلق ایده عالم حق داور
هیهات گله بیر اوغول عباسه برابر
ویردیم ایله بیر قارداشى الدن من مضطر
طومار امیدیم بیله خونین رقم اولدی
.
.
دعواده او اللر که یاراتمشدی حماسه
دوشموشدی او اللردن عدو بیم و هراسه
اولدى قلم ال تاپدیلا اول اشجع ناسه
بو معرکه نون فاتحی قوم ظلم اولدی
.
.
دشمن که گزوردی اونون هر آن سراقندا
گتدیله امان نامه اونا عصر چاقندا
دوغرانماقا شوقیله حسینون قباقندا
قارداشلارینی باشه یغوب هم قسم اولدی
.
.
.
بیر گوهر پُر ارجیدى اول گوهر والا
دوتموشدی منیم نفسیمی اوز نفسینه اُولا
قارداش دیمدی سسلدی دائم منی مولا
بیر عمر اگر چه اوزی میر حرم اولدی
.
.
#عباسیه #محیر_اردبیلی #عباسیه_شهادت #ترکی #زبدةالاشعار
نظر دهید