مدح امام رضا (ع)
.
.
محمد قولی میاب «کوثر»
.
.
دؤزنمیر آیریلیقا غصه دن اورک قان دی
کی عمری باده وئرن روزگار هجران دی
.
سالیب دی درد منی بستره ولی کؤنلوم
قاناد چالیر هاوادا ، عازم خراسان دی
.
بیر ایلدی گئتمه میشم قورخورام گئدم الدن
بیرایلدی گؤرمه میشم قلبیم ایچره طوفاندی
.
حریم قدسا قدم قویمویان بشر نه بیلر
کی بارگاه رضا جلوه گاه جانان دی
.
مقیم کوی رضا جنت آرزو ائله مز
که حضرتین حرمی رشک باغ رضوان دی
.
صفا وئریب نفسی خطه ی خراسانه
کی هریانا باخیرام عطر باغ و بستان دی
.
بورا فقیرده گلر،خان دا، شاه دا ، نوکر ، ده
هر آن بورا گله سن بارعام سلطان دی
.
بیزی ضمانت ائله ای اووی ضمانت ائدن
او نفس دن که ایشی افترا و بهتان دی
.
امامی وورما مثل ، حاتمه ، سلیمانه
که بیر بالا باخیشی حشمت سلیمان دی
.
ایشیقلانیر گؤزوموز، جانیمیز ، جوارین دا
کی ذات پاک رضا چلچراغ ایمان دی
.
اورک قوشوم یئنه ده مشهدین هاواسیندا
اوچا اوچا آغانین شأنینه غزل خوان دی
.
ایکینجی جنت اولوب مشهد الرضا «کوثر»
بو افتخار فقط خاص ملک ایران دی !
.
#رضویه #قولی_میاب #رضویه_مدح #ترکی #زبدةالاشعار
نظر دهید