زبدةالاشعار

جانه گتوردی گل علی درد و بلا رقیه نی #حضرت_رقیه_هوشی_تبریزی

زبانحال حضرت رقیه (س)
.
.
#سبک_ای_حرمینه_ناز_ایدن … 4 سبک
.
.
مرحوم غلامعلی باقری الهامی (هوشی تبریزی)
.
.
جانه گتوردی گل علی درد و بلا رقیّه نی
درک ایله صون نفسده بو باشدا قرا رقیّه نی
.
.
سنسیز علی زمانه ده نارفراقه یانموشام
عالم عشقیده یتوب هر نه بلا دایانموشام
باشیوین آردیجا دوشوب چوللری چوخ دولانموشم
شامه چکوبدی باشیوین عشقی اَخا رقیّه نی
.
.
دست ستمله دوشموشوم ایری دیار و داریدن
وار سنه چوخ شکایتیم گردش روزگاریدن
بیرجه گوروم دوشیدی کاش چرخی بو کجمدا رید ن
بیر بیله غصه چکماقا بولدی سزا رقیّه نی
.
.
بلبل پر شکته ام باده گیدوبدی گلشنیـم
عرشه جفای خاریدن اوج ایلیوبدی شیونیم
حسرتیله اولوبدی بیر کنج خرابه مسکنیم
جانه خرابه شامیده گتدی جفا رقیّه نی
.
.
گوردوم اودَم که من علی نوک جداده زلفوی
عارضی ماهتابه چون ابر فتاده زلفوی
کعبۀ وصله یتماقا ایتدیم اراده زلفوی
شامه گتوردی تا که بو قوم دَغا رقیّه نی
.
.
گل علی صون نفسده گور گوزده بوقانلی یاشیمی
لطفوی شامل ایت منه آل دیزون اوسته باشیمی
تا سنه شرح ایلیوم درد نهان و فاشیمی
آز بو شراره یاندورا سوز خفا رقیّه نی
.
.
من او گلم که گلشن و گل دوشر اشتیاقیمه
حسرت وصل یاندورار بلبلی افتراقیمه
لیک سولوب سارالموشام جان یتوشوب دوداقیمه
درک ایده آز قالور اجل دلده نوا رقیّه نی
.
.
شیوه دور اهل درده چون دردینه یولداش آختارار
شوریله گوزلری توکرعارضه قانیاش آختارار
شوقیله باجی جان ویرن وقتده قارداش آختارار
قویما بو دردیلن اُوله کان وفا رقیّه نی
.
.
.
آهوی چین عشقوم زلفون اولوب کمند علی
سالدی دالونجا چکدی بو شامه بوقید و بند علی
آتش هجره ایمدی گل جسمیم اولوب سپند علی
یاندورا بو فراق اودی اولما رضا رقیّه نی
.
.
#هوشی دیلون زمانه ده گرچه دولوبدی قانیله
آفت غم بهاریوی توش ایلیوب خزانیله
غم یمه قالماسان بیله سوز غم نهانیله
حال غموندن ایله سن کنز سخا رقیّه نی
.
.
.
.
#حضرت_رقیه_شهادت
#جانه_گتوردی_گل_علی_درد_و_بلا_رقیه_نی
#هوشی_تبریزی #حضرت_رقیه
#ترکی
#زبدةالاشعار

متن پیشنهادی:  عرشه اوجالوبدی نالم غملرمنه اولدی همدم #حضرت_ام_البنین_مهدی_عبادی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی