جانیم یورولان جانوه قربان بابا گئتمه #وداع_حضرتی_ناعمی

زبانحال حضرت رقیه در وداع بابا

.
#زبدةالاشعار
.
: @nohe_torki
.
علیرضا حضرتی
.
جانیم یورولان جانوه قربان بابا گئتمه
قویما بیزی بو دشتیده ویلان بابا گئتمه
.
.
ای شمس دین اولدوزلاروی آتما گؤزوندن
بو خسته آدام سیزلاروی آتما گؤزوندن
دشمنلر آرا قیزلاروی آتما گؤزوندن
قویما بیزی بو چولده نواخوان بابا گئتمه
.
.
بو كوفه لی لرده بابا یوخ رحم و مروت
نه شرم و حیا واردی نه غیرت نه فتوت
سندن سورا اشرار تاپار مین بئله جرئت
ظلمیله ائدر مین بئله طغیان بابا گئتمه
.
.
گؤر عترت پیغمبر اولوبدور نئجه مضطر
گؤزلرده ویروب گؤزیاشی حلقه بابا، قینر
گئتمه بابا گل عترتوی یثربه قیتر
سان بیر سوری جیراندی هراسان بابا گئتمه
.
.
واجب ائلیوب حرمتی اسلام، قوناقه
دعوت گر ائدوبدی بیزی بو قوم، عراقه
علت ندى شمشیریله بس چیخدی قباقه؟
میداندا دئیور کوفه لی قان قان بابا گئتمه
.
.
بو كوفه لی لر پیرو قراندیلار آیا
رهپوی ره ختم رسولاندیلار آیا
بونلار بابا عالمده مسلماندیلار آیا
كفار ائده حاشا بئله عصیان بابا گئتمه
.
.
آز قالدى اولا غرق بو قلبیم غم ایچینده
گل لرسارالوب چون کی سولاللار چم ایچینده
قویما بیزی صحرا دولی نامحرم ایچینده
رحم ایلمز آخر بیزه عدوان بابا گئتمه
.
.
بو چولده بیزیم یار نه بیر یاوریمیز وار
نه قاسم و عباس نه ده اكبریمیز وار
گؤزیاشی قیزیل قانه دونن گؤزلریمیز وار
بیر عده قالوب غم زده نالان، بابا گئتمه
.
.
.
واردور یئری اشکین قانا دؤندرسه رقیّون
واقفدی از لدن ائله بو در سه رقیّون
معجر ایاقون آلتینا گر سرسه رقیّون
ساخلار یولون اوسته سنی بیرآن باباگئتمه
.
.
آغوشه آلاردون گؤزومون یاشی آخاندا
طاقت گتیمزدون سنه حسرتله باخاندا
منله دانیشاردون دل زاریم داریخاندا
ائتمه قارا آغ گونلریم الان بابا گئتمه
.
.
#وداع_حضرتی_ناعمی
#حسینیه_وداع
#جانیم_یورولان_جانوه_قربان_بابا_گئتمه
#ترکی

.
#زبدةالاشعار
.
: @nohe_torki