کاروانیدن سالدی ساربان منی عمه #راه_شام_ثابت_اردبیلی

راه شام و زبانحال حضرت رقیّه (س)
..
..
مرحوم ثابت اردبیلی
..
..
کاروانیدن سالدی ساربان منی عمّه
قورخولی بو صحراده سسلرم سنی عمّه
..
..
چاره سیز آدامسیز قیز نیلسون دایان گیتمه
نه آنام نه قارداشیم حالیمه یانان گیتمه
بیر نفر سینان گوگلوم یوخ بی بی آلان گیتمه
آهیمیله یاندورّام قلب دشمنی عمّه
..
..
قاچمیشام بو یولّاری گور قبار ایاقلاری
پارچالاندی اوچ باشدا بیر قزون دوداقلاری
یادیمه بی بی سالّام بوش قالان اطاقلاری
ترک ایدر نجه بلبل صحن گلشنی عمّه
..
..
گلمسون اگر عمّه قورخودان یقین ئولم
زلفلریمون اوستوندن یولّارون توزون سیلّم
بو قبار ایاقیلن من نقدر یول گلّم
یاده سالمشام الآن ملک وطنى عمّه
..
..
راضی اولما چوللرده ترک ایدم بو دنیانی
من سنه قسم وئرم عمّه حقّ زهرانی
کاروانیمی ساخلا آغلارام حسین جانی
آرتاجاق قزون دلده درد و محنتی عمّه
..
..
ایلرم گله سندن نایبی آنام زهرا
کول الندى باشیمه سالدی ناقه دن اعدا
قز اوشاقی یول باغلی یول اوزاق اؤزوم تنها
حالیمه یانار گورسه فرقۀ دنی عمّه
..
..
ریسمان کسر الآن خرداجا بو قولّاری
آج سوسوز رقیّون تک طىّ ایدر بو یولّارى
قورخودان نجه پاره اولماسون دوداقلاری
بلبل آختارار گورسون تازه گلشنی عمّه
..
..
ره گذاریدن کولگم قورخودار منی زاری
من سنه نشان وئرّم بو قبار ایاقلاری
بیر نفر بو صحراده یوخدی گوز یاشیم جاری
قورخودان صدا والله ایلرم سنی عمّه
..
..
..
#راه_شام #ثابت_اردبیلی #ترکی #زبدةالاشعار