جان ویرنده ختم مرسل وجده گلدیلر ملکلر #پیامبراسلام_مصیبی_تبریزی

شهادت حضرت پیامبر (ص) و قیاس آن با شهادت امام حسین (ع)
.
.
#سبک_سو_یوخومدی_قزلاروندان … 5 سبک
.
.
محمد علی مصیبی تبریزی
.
.
جان وئرنده ختم مُرسل وجده گلدیلرملکلر
بس ندن حسین ئولنده قاره گیدیلر ملکلر
.
.
جان وئروبدی تا پیمبر چاتدی محفل نگاره
عرشیان گوروب جمالین فیض آلوبدیلاردوباره
لیک حسین وئرنده جانین جنّته چکوبله قاره
شاه کربلا غمینده باغریقان ئولوب ئورکلر
.
.
جان وئرنده شاه بطحا زینت ائتدیلر جنانی
پیشواز مصطفایه یوللیوبله قدسیانی
قتلگه ده گلدی امّا باش کسه او شمر زانی
خنجری قویوب بوغازه لرزیه دوشوب فلکلر
.
.
حَقه جان وئرنده طاها بیله ممتحن دگوردی
اگنینین لباسی دوت مین اوخلی پیرهن دگوردی
قالمامیشدی قوملاراوسته نعشی بیکفن دگوردی
همدمیدی شاه خیبر ئولمه میشدیلر کمکلر
.
.
ییرمی سگیز صفرده قالدی دین حق خطرده
جان وئروب نبیّ رحمت گون دوتولدی هم قمرده
دَهّم محرم امّا اود دوتوبدی خیمه لرده
غارت اولدی آل عصمت گئتدی باشداکی لچک لر
.
.
گرچه اولدی بعد طاها فاطمه غریق محنت
ملحق اولدی تئز نبیّه گورمیوبدی داغ فرقت
لیک حسین وئرنده جانین زینبه قوپوب قیامت
کوفه ده طناب ظلمه باغلانوبلا تک به تکلر
.
.
ائت « مصیّبی » نبیِّ اعظمه بئله گلایه
اوغلوون باشین کسنده گلمه دین نه دن هرایه؟
نوک نیزیه ورولدی قانلی باش چیخوب جدایه
واریری او باشه خاطر سرنگون اولا سَمَکلر
.
.
.
.
#پیامبراسلام_شهادت
#جان_وئرنده_ختم_مرسل_وجده_گلدیلر_ملکلر
#مصیبی_تبریزی
#ترکی
#زبدةالاشعار