ورود ماه محرم
.
غفاری زنجانی
.
یتیشوبدی ماه محرمون
گینه باتموشوق غمه یاحسین
اوجالور صدای حسین حسین
گینه عرش اعظمه یاحسین
.
.
سنه بزم غم قورولوب آقا
قارا عرش داوره چکدیلر
ائله بیل که داغووی تازه دن
بو یانان اورکلره چکدیلر
بو او آیدی باشووی تشنه لب
دم تیر و خنجره چکدیلر
دیرم ئولونجه حسین حسین
وورا رام بو سینمه یاحسین
.
.
بو او آیدی آغلادی یاحسین
هامی اهل ارض و سما سنه
هامی جن و انس و ملک اوگون
ایلیوبدی نوحه سرا سنه
هامی ذی حیات هامی عرش و فرش
قوروب اوندا بزم عزا سنه
سوزی قورتاروم هامی ماسوا
باتوب اوندا ماتمه یاحسین
.
.
ہو او آیدی آل پیمبرون
غمی کئچدی حد و حسابیدن
غم و غصه سلب توان ائدوب
دل جمله شیخ و شبابیدن
دوتولوب ایشقلی گونون یوزی
داخی دود آه ربابیدن
بالاوای دئدی بالا آدینی
ایلیوبدی زمزمه یاحسین
.
.
که بو آیدا آتش درد و غم
دل آل حیدره ویردیلار
یره پهلوانی یخان أوخی
اوگون حلق اصغره ویردیلار
دیین اولمیوبدی نه علته
اونی نازک حنجره ویردیلار
گوگون آلتدا بو یرون اوسته گور
بئله ظلم اولوب کیمه یاحسین
.
.
او گون اهل کینه کمین ائدوب
یارا اوغلون اكبره ویردیلار
یارالار آت اوسته وجودینی
سالوب أوندا لنگره ویردیلار
عدد و شماریه گلمدی
یارا بس او پیکره ویردیلار
غم و محنتی ویروب اوندا اود
دل اهل عالمه یاحسین
.
.
ستمیله اولدی قلم قلم
ره حقده یتمیش ایکی بدن
بویانوبدی قانه کمک لرون
سنه بو غم اولدی کمرشکن
یخیلوبدی سر سپهون یره
چتین اولدی بو هامی غصه دن
گھی مشگینه باخوب آغلادون
گهی قانلو پرچمه یاحسین
.
.
سنه یاحسین هامی عالمین
توکوب اشک گوزلری آغلادی
باشووی کسنده او شمر دون
ئوزی الده خنجری آغلادی
گلوب اوندا مقتله زینبون
آخوب اشک مضطری آغلادی
بو حسین صداسینه عالمه
سالوب اول مکرّمه یاحسین
.
.
اوجالوبدی عرشه فغان سسی
باش آچوب حرملرون آغلادی
وطن اهلی داغلادی سینه سین
وطنونده ائل لرون آغلادی
بابا وای دئدی توکوب اشک غم
گوزی یولدا دخترون آغلادی
هم آتام فدا هم آنام فدا
ائله چشم پر نمه یاحسین
.
.
#ورود_محرم #غفاری_زنجانی #ترکی #زبدةالاشعار
نظر دهید