جهاندا تیر جفایه دچار زینبدی #زینبیه_غمکش

در مصائب حضرت زینب (س)
.
✍️زبدة الاشعار✍️
.
🆔: @nohe_torki
.
مرحوم غمکش
.
جهاندا تیر جفایه دچار زینبدی
اورگی داغلی گؤزی اشکبار زینبدی
.
جفای صرصریلن گلشنی سولوب سارالان
دؤنن خزانه گل نوبهاری زینبدی
.
سینوبدی بال و پری خسته عندلیب کیمی
گئجه گونوز ائلین آه و زار زینبدی
.
وفا و عصمتی زهرا خانیمدان ارث آپاران
جهاندا صاحب شأن و وقار زینبدی
.
بیان منطقی جان عدویه شعله سالان
علی الینده اولان ذوالفقار زینبدی
.
فلک قطارینی ظلمیله کوفیه چئکدی
دئمدی کوفه لیلر بو قطار زینبدی
.
او کوفه نون گلن عورتلری تماشایه
اوپردی بیربیر الین ایندی خوار زینبدی
.
گئدوبدی عزّتی الدن کمانه قدّی دؤنوب
اولوبدی گوندوزی چون لیل تار زینبدی
.
دئدیله خارجی دی کول سووردولار باشینا
دئمدیلر اورگی داغدار زینبدی
.
ولی علی قیزی سیندیرمادی صلابتینی
علینون همّتینه یادگار زینبدی
.
بویوردی کوفه لیلر آز گولوب چوخ آغلیاسوز
یانان شراره دل پرشرار زینبدی
.
حسینی دعوت ائدوب ایلدوز عجب حرمت
مصیبتینده اولان سوگوار زینبدی
.
سو وئرمدوز سو یانیندا باشین سوسوز کسدوز
جدا باشیندا اولان تاجدارِ زینبدی
.
برهنه ناقه نون اوستونده قوللاری باغلی
الینده یوخدی داخی اختیار زینبدی
.
سنان و خولیه تاپشیردوز آل طاهانی
بو غصّه لردن اولان بی قرار زینبدی
.
#زینبیه_شهادت
#نوحه_های_محرم_غمکش
#غمکش
#جهاندا_تیر_جفایه_دچار_زینبدی
#ترکی
.
✍️ #زبدةالاشعار ✍️
.
🆔: @nohe_torki