خروج از مدینه
.
✍️ #زبدةالاشعار ✍️
.
🆔: @nohe_torki
.
مرحوم حاج محمدحسین جنّتی مقام
.
عازِمِ سفر ایستدی میر حرم اولسون
آز قالدی که صبر اهل حرمدن عدم اولسون
.
.
سلطان حجاز ایلدی عبّاسی مخاطب
هر نه سفره لازمه دور ایله مُرتّب
قارداش اولا زرتار گرک محمل زینب
تا لایق شأنِ او مَهِ محتشم اولسون
.
.
شاهنشهِ دین ایلدی بو امری فریضه
تسکین وئره بلکه قزی صغرای مریضه
گوردی که یازور صورته اشکیله عریضه
ملک بدنی آز قالوری منهدم اولسون
.
.
فرمایش ائدوب صبر ائله صغری بو قضایه
گوندرّم علی اکبری چوخ گلمه نوایه
عزتله سنی تا گتورور کربو بلایه
الحال گرک همدمون اندوه و غم اولسون
.
.
عجزیله محمد حنفیه دئدی شاها
راحت سنی گر قویموری بو شهرده اعدا
گئت چوللری ایله اؤزیوه مسکن و مأوا
قوی ملک عرب دشمنیوه مغتنم اولسون
.
.
یا مصلحت اولسا بو گون عزم یمن ایله
بیر نوعیله کوچ ایله که حفظ بدن ایله
چوخ اوردا آتام شیعه سی وار گئت وطن ایله
اوردا سنه آسوده وطن لاجرم اولسون
.
.
سندن اگر ال چکمیه هر نحویله دشمن
گئت کعبه جوارینده مقیم اول ائله مسکن
فرمایش ائدوب ایله یقین اولمارام ایمن
هر چند مقامیم حرم محترم اولسون
.
.
سن ایله یقین ائتسم اگر مسکنی کُهسار
آسوده اوتورماز منی ئولدورمسه کفّار
کوفه چولونه گئتمه لیَم لابد و ناچار
قارداش دؤزرم هر نه بلا و ستم اولسون
.
.
آخرده گذاریم دوشه جاق کربو بلایه
توش اولّام او چولده اَلَم و جور و جفایه
باغلار سو یولون وئرمز عدو آل عبایه
باشدان باشا گر یر یوزی آبیله یَم اولسون
.
.
تصمیم ائدر اعدا که فراتی چوله آخسون
یاندورسون عطش سوزشی اطفالیمی یاخسون
حسرتله ز بس خوردا اوشاقلار سویا باخسون
تاب و تبیله گوزلرینون اشکی دَم اولسون
.
.
خوردا بالالار واعطشا ذکر ائدر آغلار
بیر شربه سو تاپماز نقدر سو دیَر آغلار
گوز کاسه سینه دولدوروب اشک بصر آغلار
خشکیده بسی بلکه سرشکیله نَم اولسون
.
.
اهلِ حرمه ائتمیشم عبّاسیمی سقّا
بلکه سو ائده تشنه لب اطفاله مهیّا
اوخ مشکه ووروب قولّارین ایلر قلم اعدا
اول حالیله قویماز که نگونسار علم اولسون
.
.
«#صحاف» همان حالی خیال ایله دمادم
ایله اؤزیوی محنت و اندوهیله همدم
یاز توک یوزه گوزدن گوزیوون یاشی کیمی دَم
بیر الده صحیفون بیر الونده قلم اولسون
.
.
#سبک_ای_باد_صبا … 7 سبک
.
.
.
#خروج_مدینه
#عازم_سفر_ایستدی_میر_حرم_اولسون
#صحاف_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید