زبدةالاشعار

یارالی باشوه قربان من کلباش على قارداش #راه_شام_سعدی_زمان

راه شام
زبانحال حضرت سکینه (س)
.
.
مرحوم سعدی زمان
.
.
یارالی باشوه قربان من کلباش على قارداش
جداده گونکیمی شامه گیدر بیر باش علی قارداش
.
.
منیم لوح ضمیریمده چکوب نقّاش تصویرون
سالوبدور بوینوما رشته سر زلف گره گیرون
باشون گیتدوقجا من گلّم عجب محکمدی زنجیرون
ازل گوندن بو زنجیری قریدیم کاش علی قارداش
.
.
جداده سنبل زلفون او گل رخساره افشاندور
منیم بو قان اولان گوگلوم اودور چون شانه شان شان دور
پریشان زلفون عشقونده ایله حالیم پریشاندور
گوگل قانه دونوب گوزدن آخار قان یاش علی قارداش
.
.
بولود تک حلقۀ زلفون سالوب مه صورته هاله
او هاله گور منی قارداش سالوب آخر نجه حاله
ایدنده نی کیمی ناله اولور زنجیر همناله
سیزیلتیمدان منه اولموش جرس یولداش علی قارداش
.
.
اولوب عمریم گونوم قاره علی زلف سیاهوندن
اسیر عشقیوی سالما کناره اؤز پناهوندن
کمان ابرو خدنگ غم آلوب طرز نگاهوندن
وروبدور قلبیمه مین اوخ او بیر گوز قاش علی قرداش
.
.
چکوب لوح جبینونده اؤز عکسین بی بدل مانی
مترجم ایلیوب خط خط تمام آیات قرآنی
ایدوب اوز قدرتین ظاهر یازوب انا فتحنانی
بو نقشه محو اولور دلدن باخان نقاش علی قارداش
.
.
ایدنده ناله و شیون گلنده داد و فریاده
ورالّار قمچی باشیمدن گلور لیلا آنام داده
دلیم دوتمور دیوم شمره امان ویر ای زنازاده
دویونجا ایلسون صحبت باجی قارداش علی قارداش
.
.
گوزیمده ایلوری جلوه سنون تک قارداشیم باشی
گوگل بی اختیار آغلور دونور قانه گوزوم یاشی
گوز آچ باخ گور نه ظلم ایلور بو شام و کوفه اوباشی
سنون بو سوگلی باجون دوگور اوباش علی قارداش
.
.
قولوم باغلو اوزوم خسته اوزاق یول باشدا یوخ معجر
قووالّار آت قباقینده منی بو رحمسیز لشگر
یوزیمده نیلیِ سیلی دلیمده وای علی اکبر
یانیمدا قمچی اللرده نچه فرّاش علی قارداش
.
.
«حسینی» نو کرون ایلور گیجه گوندوز سنه خدمت
رضا اولما قالا قارداش او قبر پاکیوه حسرت
اونا بیر التفات ایله ولیکن قوى منه منّت
نولور لطف ایلسن بیر دانۀ خشخاش علی قارداش
.
.
#راه_شام #سعدی_زمان #ترکی #زبدةالاشعار #اکبریه_شهادت #اکبریه #کنزالحسینی2

متن پیشنهادی:  عجله ایتمه بیر آز گوزلرون فداسی على #اکبریه_انور_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی