جور زماندان ای در کنز وفا اوغول #حیدریه_رستمی_تبریزی

درد دل امام علی (ع) با حضرت اباعبدالله (ع)
.
.
.
مهدی رستمی تبریزی
.
جور زماندان ای در کنز وفا اوغول
رنگ رخیم اولوب مثل کهربا اوغول
.
چون وارثوابی قدریده قرآنی آچماقین
ایتدی مرادی بو ایشین حقین ادا اوغول
.
قرآن صامت آچمادی جهد ایلیوب آچیب
قرآن ناطقین باشین اول بی حیا اوغول
.
قوی عرض ایدیم اورکده کی آلامیمی سنه
بو صون نفسده ای مه برج ولا اوغول
.
چوخ آز زمان سیزین بو سراده قوناقیزام
ویرمم جواب امر خداونده لا ، اوغول
.
یاره بهانه دی آنازی گویلوم ایستیور
پیشواز پیک حق ایدور اَر مرتضی اوغول
.
شمشیر زهردار مرادی ّ بد مرام
مندن ز بس آلوبدی توان و قوا اوغول
.
زهرا آنان کیمی ایاق اوسته دورانمورام
گورنه دوشوبدی مشکله مشکل گشا اوغول
.
عمده وصیتیم بودی ای گوهر یتیم
جزم ایله عزمیوی اولا حقی ادا اوغول
.
رافت یولیلا قویما حسین زینب آغلاسین
چون وار اونا قاباقدا ره پر بلا اوغول
.
یازدی بو شعری (رستمی) آهیله، سنده یاز
پاداشینه زیارت کرب و بلا اوغول
.
#حیدریه
#حیدریه_شهادت
#جور_زماندان_ای_در_کنز_وفا_اوغول
#رستمی_تبریزی
#ترکی
#زبدةالاشعار