کوچ از کربلا
.
✍️ زبدة الاشعار ✍️
.
🆔: @nohe_torki
.
فاکر
.
قتلگاهون بیر پوزولموش گلشنه بنزر حسین
هانسی گل امّا بو گلشنده سنه بنزر حسین
.
.
سن او گل سن پیکرون آماج نوک خار اولوب
من او نالان بلبلم ظلمیله گلزاریم سولوب
هر یری بو گلستانون لخته قانیله دولوب
نه سنه بیر گل نه بیر بلبل منه بنزر حسین
.
.
یوخ گمانیم بیر سولان گل سن کیمی خندان اولا
قطره قطره شاخ و برگ ئوستونده شبنم قان اولا
کیم گوروب شه تشنه لب القانینه غلطان اولا
هانسی بیر مظلوم ئولن سلطان سنه بنزر حسین
.
.
هانسی بلبل اوز گلون اولموش بیله خندان گوروب
هانسی گل یا اینکه من تک بلبل نالان گوروب
بیر شهیدون جسمی هاردا بو قدر پیکان گوروب
هیچ دیمز نعشون گورن باشسیز تنه بنزر حسین
.
.
گُل بیله خندان اولا گلشنده بیر گوز گورمیوب
ایلیه خوار خدنگ ظلم گوزگوز گورمیوب
کور کورانه وروب هر بیر یتن گوز گورمیوب
سانجیلوب اوخ سینه ده بس مخزنه بنزر حسین
.
.
گورمیوب سن تک یارالی هیچ باجی قارداشنی
توکمیوب گوزدن عذاره من کیمی گوز یاشنی
بیر شهیدون کسمیوب دشمن قفادن باشنی
قاتلون چوخ بی مروّت دشمنه بنزر حسین
.
.
من بلوردوم الدورر دشمن بو صحراده سنی
ظلمیله آخر قویار دنیاده قارداشسیز منی
لیک بولمزدیم سویار اگنونده کی پیراهنی
گر چه قانون قرمزی پیراهنه بنزر حسین
.
.
ئولدوروب دشمن سنی گیرم سویوبدور پیکرون
گون قباقنده قویوب عریان بو جسم اطهرون
زینبون ئولسون کسوبدور هانسی ظالم الّلرون
بو ستمگر شمر دون دل آهنه بنزر حسین
.
.
سن بساط غشقده شاه سلیمان جاه سن
بو خواتین حرم بلقیس رو سن شاه سن
سرگذشتیمدن باجون ئولسون اوزون آگاه سن
قطع ایدن انگشتوی اهریمنه بنزر حسین
.
.
قالموشام مبهوت و حیران ظلم قوم دشمنه
یتمسون دشمنلرون هرگز بلادن ایمنه
هر یارالار بیر یانا بعضی یاران وار وای منه
هر بیری بیر زخم سُمّ توسنه بنزر حسین
.
.
ایلدی سنسیز بیزی دشمن بو صحراده اسیر
بی نوا اکبر آناسی اولدی شمره دستگیر
ایمدی قول باغلی چکور شاماته بو قوم شریر
سن دیمه لیلیه او لیلایه گنه بنزر حسین
.
.
اود دوتار قلبیم باخاندا من رقیّه حالنه
کوفیان یانماز اگر چه بو قیزون احوالنه
شمر دون سیلی وورار باخماز سرشگ آلنه
گُل یوزونده جای سیلی سوسنه بنزر حسین
.
.
کیم سنون تک حق یولوندا عترتین گوزدن آتوب
قان سریرنده یارالی جسمیله عریان یاتوب
سینون اوسته باش باشا سنبل کیمی اوخلار چاتوب
گر چه سینون طاق عرش ذوالمنه بنزر حسین
.
.
سن حسین بن علی بیر شاه سن دارای جاه
نوحه خوانوندور سنون « فاکر » غمونده گاه گاه
مدفننده سن اونا لطفیله قیلسان بیر نگاه
لیلۀ یلداسی روز روشنه بنزر حسین
.
.
#کوچ_کربلا
#قتلگاهون_بیر_پوزولموش_گلشنه_بنزر_حسین
#فاکر
#ترکی
.
✍️ #زبدةالاشعار ✍️
.
🆔: @nohe_torki
نظر دهید