جوشه گلمیش باده طبعيم لبالب زينبه #زینبیه_مصیبی_تبریزی

در مدح و ولادت حضرت زینب (س)
..
..
..
..
..
مصیبی تبریزی
با«تضمین مثمن» اشعاری از جناب #غفاری_اردبیلی و دکتر #بهلول_حبیبی_زنجانی
..
..
..
..
..
جوشه گلمیش بادۀ طبعيم لبالب زينبه
جام می الده ئورک گوردوم ائدور تب زینبه
دردیمی یازدیم دییَم صدقيله يارب زينبه
دست حاجتمندیمی آچدیم همان شب زینبه
ایستدیم یازسون قلم لوح اوسته مطلب زینبه
کیمدی آیا رتبه دن اولسون مقرب زینبه
«آختاروردم بیر نفر هم شان و منصب زينبه
اوخشیور گوردوم فقط دنیاده زینب زینبه»
..
..
..
..
..
گر قلم عشق اوسته یازسا ذکری عالمگیر اولار
یا ، یازان انوار حقدن یازسا سوز تنویر اولار؟
سوز ئورکدن جوشه گلسه شعریده تاثیر اولار
آذریلر شعرینه باخسان صفا تصویر اولار
ماده شیر حیدره جنّت فقط نخجیر اولار
باخ سوزه حقّاً بو سوز قلب یزیده تیر اولار
«سو ويريسله خام فولاده اگر شمشیر اولار
شیر زندن کیم صود امسه مثل زینب شیر اولار »
..
..
..
..
..
کیمدى زينب كربلانين گلشنینده یاسیدی
كيمدى زينب عترت و ناموسینه حسّاسیدی
کیمدی زینب بوته زار كفره همچون داسیدی
جرأت و شخصیّتی عالملره مقیاسیدی
اشجع النّاسين قيزى آیینۀ احساسیدی
خواهر عبّاس نسوان ایچره فخر النّاسیدی
«نطق آتشباری مثل تيغۀ الماسيدي
یول گئدنده فکر ائدردین حضرت عبّاسیدی»
..
..
..
..
..
دختر تاج سران دی باشلارا افسر گلوب
تاجدار عالمه يثربده تاج سر گلوب
سایۀ کوثر ؛ سليل ساقی کوثر گلوب
کربلاده غم لرین کشتی سینه لنگر گلوب
شيرلر نخجیرینه مین شیر نردن سر گلوب
ماده شیریدی گلنده کوفيه محشر گلوب
خطبه سيندن لرزيه يئرلر گلوب گویلر گلوب
کیم ائشیتدی سسلنردى كوفيه حيدر گلوب
..
..
..
..
..
دوزدی خوش گون گورمه دی بحر قراره چاتمادی
دوزدی سنگ ابتلانی دامنیندن آتمادی
دوزدی دوران هیچ کسی زینب کیمی آغلاتمادی
لیک خورشید وقاری ؛ کربلاده باتمادی
عفّت و حجب و حیا و اقتدارین ساتمادی
نهضتين ابقاسينه ذره منيت قاتمادی
«شور عشقين عمريده بير لحظه باشدان آتمادی
غیرتیندن بیر گجه شامین یولوندا ياتمادی»
..
..
..
..
..
یاز قلم تصوير عشقين طلعتین زینب چکوب
كربلا نقشينده غیرت قامتین زینب چکوب
اهل بيتين ياز مسير بيعتين زينب چکوب
غارتين هم وحشتين هم طاقتین زینب چکوب
یاز نماز اوستونده غم قد قامتین زینب چکوب
«کربلانین چوخلی درد و محنتین زینب چکوب
هر مصیبت وار اگر بو نهضتین زینب چکوب
بیز اگر اولدوق حسینچی زحمتین زینب چکوب»
..
..
..
..
..
شعریده هردم “مُصَيّب” نفسيوی ایله خطاب
مركب عشق اوسته سعی ایله قلم ورسون ركاب
ائتمه نظم شعریده هر بحری الگو انتخاب
پایبند اول تا ابد آل اللهه ائتمه عتاب
اولمیوب اولماز بو راهين سائلی خانه خراب
قوی تراوش ایلسین کلکیندن هر آن شعر ناب
«مجلس ابن زیاده گلدی دخت بوتراب
قارداشینداندا گوزل قول باغلى ائتدی انقلاب»
..
..
..
..
..