حاجیا گل بارگاه کبریادن بیر دانیش #نادربابایی

خیر مقدم به حجاج
.
زبدة الاشعار
?: @nohe_torki
.
حاج نادر بابایی
.
حاجیا گل بارگاه کبریادن بیر دانیش
محفل حجاجیدن ذکرودعادن بیر دانیش
.
.
ای مدینه شهرینی سیر ایلین شام وسحر
مسجد پیغمبره مین شوقیلن ائتدون گذر
قبر پاک مصطفایه زائر اولدون دیده تر
اول ستون توبه دن آه و نوادن بیر دانیش
.
.
کیم بقیع نی گورسه دائم دیده سی گریانیدور
ظاهری گرچه اونون بیر غملی قبرستانیدور
دورد امامون بارگاهی روضه ی رضوانیدور
باقر و سجاد وصادق ، مجتبادن بیر دانیش
.
.
گنبد و گلدسته دن یوخدور او یرده بیر نشان
ایلیر بیر نیسگیلی زواری دائم باغری قان
فاطمه قبری هایاندا بیلمه دون اولمیش نهان
گیزلنن اسراریدن کنز حیادن بیر دانیش
.
.
اوندا که احرامه گیدون جامه ی بی زیب و زر
دوشدی محشر یادووه آخدی گوزوندن اشک تر
ذکر الّلهُّمه لَبَّیکیله ایلوبسن سفر
تا یتیشدون مقصده، بیت خدادن بیر دانیش
.
.
مکه شهرینده ئورکده سوز و سازونن دئنه
هر اذان وقتی جماعتله نمازونن دئنه
لیله ی خلوتده کی راز و نیازونن دئنه
مرکز عرفانیدن غار حرادن بیر دانیش
.
.
دشت مسلخده سنون قربانلیقون اولسون قبول
گر چه اوردا کسمدی قربانی دلبند بتول
ساخلادی آیری منایه فدیه سین اما ملول
مکه نی ترک ایله دی اول مقتدادن بیر دانیش
.
.
یا حسین قربانلارون قربانی اولسون بو گوزوم
هم آتام قربان اولا ششگوشه قبره هم ئوزوم
خورداجا قربانووه واردور منیمده بیر سوزوم
ای قلم گل خورداجا دیلسیز بالادن بیر دانیش
.
.
اوندا که اخیامه ائتدی سعدون اوغلی قحط آب
گورسنوب بیر منظره اولدی ملکلر دل کباب
کیم گوروبدور باغبانی غنچه دن دوتسون گلاب
سس گلوب اوندا حسینه نه سمادن بیر دانیش
.
.
اوجونی دولدوردی قانیله سپوبدور گوگلره
گاهی اخیامه ساری گاهی باخوردی اصغره
یوز دوتوب نهره طرف باخدی او قولسوز پیکره
دور دئدی ای ماه تابانیم وفادن بیر دانیش
.
.
(نادرا) عنوان حاجی آدووه اولدی بزک
لااقل بیل قدرینی قویما هدر گئتسون امک
حاجی عنوانین وئرن صاحب زمان اولسون گرک
قیل حذر ریب و ریادن گل صفادن بیر دانیش

.
#زائر_کعبه #کعبه
#حاجیا_گل_بارگاه_کبریادن_بیر_دانیش
#نادربابایی
#ترکی
.
#زبدةالاشعار
?: @nohe_torki